MATEUS 15:23 - BIBEL JAMITA NA DENGGAN

²³ Umpe sahata dialusi Jesus. Jadi ning halahi ma, “Paorot ma da anak boru i Guru. Hum na manggaori sajo do ia di pudinta!”

MATEUS 15:23 Referans Kwoze

MATEUS 14:15

Jadi dung andospotang marroan ma anak siseanNia i. Didok halahi ma tuSia, “Potang ne ma ari, hape na lungunan dison. Sugari, dumenggan ma disuruhon Guru i halahi marsitobusi panganonna be tu angka huta i.”

ANDUNG 3:8

Pio-pio au mangido pangurupi, hape nada ra Debata umbege i.

MASMUR 28:1

Sai pio-pio tu Ho do au ale Tuhan pangondianku, sai tangihon ma pangidoanku! Muda sai hohom Ho sai songon halak na manuat tu tanoman do au.

PANGARATAION 8:2

Ingot hamu ma! Opat pulu taon lolotna Tuhan Debatamunu manogu-nogu hamu di pardalanan na dao manyalpui parhorsihan. Diloas Ia masa angka hamaolon tu hamu laho manguji hamu, anso tarida Ia sanga aha na giot baenonmunu jana sanga na oloanmunu do angka parentaNia.

PAMUNGKAAN 42:7

Disi diida si Josep angka angkangnia i, manigor ditanda ia do halahi, tapi dipaula ia ma songon na so nitandania halahi. Jadi disonggak ia ma halahi laho manyapai, “Sian dia do hamu?” “Na sian Kanaan do da hami laho manobusi panganon,” ning halahi mangalusi.

MATEUS 15:22

Jadi ro ma sahalak boru Kanaan sian luat i mandapotkon Jesus. Pio-pio ma ia, “O, Tuhan anak ni si Daud, ibo ma rohaMu mida au! Hona setan borungku. Ma hancit sajo!”

MATEUS 15:24

Dialusi Jesus ma, “Hum tu angka biri-biri na lilu sian tonga-tonga ni Israel do Au disuru.”