MATEUS 15:22 - BIBEL JAMITA NA DENGGAN

²² Jadi ro ma sahalak boru Kanaan sian luat i mandapotkon Jesus. Pio-pio ma ia, “O, Tuhan anak ni si Daud, ibo ma rohaMu mida au! Hona setan borungku. Ma hancit sajo!”

MATEUS 15:22 Referans Kwoze

MATEUS 9:27

Di na kehe Jesus sian i, ro ma dua halak na mapitung mangihutkon Ia. Pio-pio ma halahi, “O, anak ni si Daud, ibo ma rohaMu mida hami!”

MATEUS 17:15

Didok ia ma hatania, “Ibo ma jolo rohaMu mida anakku! Solpoton do ia jana marhancit situtu. Muda hatiha di panombona i jotjot madabu ia tu api sanga tu aek.

MASMUR 4:1

Ale Debata, Ho do mangampini au, alusi ma muda pio-pio au. Muda susa au, diurupi Ho do au; saonnari ibo rohaMu di au jana tangihon ma tangiangku.

LUKAS 18:13

Tapi anggo sitagi pajak i jongjong ma ia mandao-dao jana inda puluk ia mardongak adop langit. Ditompuhi ia andorania i didok ia ma, ‘O ale Debata, ibo ma rohaMu mida au pardosa on!’ ”

LUKAS 17:13

jana marsurak, “Jesus! Gurunami! Ibo ma rohaMu mida hami!”

MATEUS 4:24

Tarbonggal do Jesus lalu tu tano Siria sude, gabe bahat ma marroan halak tuSia. Diparobani halak ma angka na marnyae dohot halak na marragam rupa hasusaanna. Adong ma i na hona begu, adong na solpoton, adong na pangpangon. Sude halahi dipamalum Jesus.

MATEUS 1:1

Songon on ma tarombo ni angka ompu na umpompar Jesus Kristus, pomparan ni si Daud, pomparan ni si Abraham. Sian si Abraham lalu tu si Daud dapot ma angka goar na di toru on:

JEHESKIEL 3:6

Nada tu angka bangso parhata na so ni astuan, sanga pardila na hallang na so niastuanmu angka hatana. Sugari tu halahi ho Husuru, anggo halahi tangihononna do ho.

MASMUR 45:12

Maroban silua somba-somba do halak Tirus mambuat roha do tu ho halak paradongan.

MASMUR 6:2

Ibo ma rohaMu mida au, angke abis ma gogongku da Tuhan, pargogoi ma au, angke madung gale-gale au.

MATEUS 15:23

Umpe sahata dialusi Jesus. Jadi ning halahi ma, “Paorot ma da anak boru i Guru. Hum na manggaori sajo do ia di pudinta!”

LUKAS 6:18

Marroan ma halahi laho manangihon hata ni Jesus, boti anso dipamalum nyae ni halahi be. Sanga na hona setan pe halahi, laing dipamalum.