MATEUS 14:35 - BIBEL JAMITA NA DENGGAN

³⁵ Hum ditanda halak na disi i Jesus do na ro i, manigor dipaboa halahi ma tu sude luat na humaliang i. Gabe diparobani halak ma angka na marnyae tu Jesus.

MATEUS 14:35 Referans Kwoze

MARKUS 6:55

Manigor marsilojongkon lojongna be do halahi na humaliang luat i. Mamungka ma halahi maroban angka na marnyae di podomanna be mandapotkon Jesus. Sanga na di dia pe Jesus dibege halahi, dioban halahi be ma angka na marnyae tusi.

MATEUS 14:34

Dung lalu halahi tu bariba ni dano i, mandarat ma halahi di Genesaret.

MATEUS 14:36

Angka dipangido halahi ma, sugari tola halahi hum manjama ujung ni baju jubaNia i sajo pe. Gabe malum do sude na manjama baju jubaNia.

BAENON NI ANGKA RASUL 3:10

Dung i diingot halahi ma, ia do hape pangido-ido sidoka na sai juguk di “Pintu Na Jeges”, na di Bagas Ni Debata i. Homang jana longang ma roha ni halahi marnida na tarjadi i tusia.

BAENON NI ANGKA RASUL 12:14

Manigor ditanda ia ma sora ni si Petrus. Hara ni jop ni rohania, diompoti ia ma masuk mangulahi so jolo dibuka ia pintu i; dipaboa ia ma tu halak na disi, na di jolo ni pintu i do si Petrus.