MATEUS 14:33 - BIBEL JAMITA NA DENGGAN

³³ Gabe unduk ma angka anak siseanNia na di parau i marsomba tu Jesus. “Tutu do Anak Ni Debata Ho, Tuhan!” ninna halahi.

MATEUS 14:33 Referans Kwoze

MASMUR 2:7

Didok Tuhan i, “Hupabotohon pe sanga aha na nitotopkon ni Tuhan. Ning Ia do tu au, ‘AnakKu do ho, sadari on ma Au gabe Amangmu.

JOHANNES 11:27

Dialusi si Marta ma, “Olo Tuhan, porsaya do au Kristus i do Ho, Anak Ni Debata na ro tu portibi on.”

JOHANNES 1:49

Didok si Natanael ma, “Rabbi, Anak Ni Debata do Ho! Ho do Raja ni halak Israel!”

SURAT NI SI PAULUS TU PARLAGUTAN ROM 1:4

tapi mangihutkon hadebataon tangkas do ia Anak Ni Debata na gok hagogoan. Tanda sajo do i botoon markite-hite hangongotNia sian na mate i.

MARKUS 1:1

Songon on do Jamita Na Denggan taringot tu Jesus Kristus, Anak Ni Debata.

JOHANNES 6:69

Porsaya do hami jana marpos ni roha, Ho do Na Badia na ro sian Debata.”

MATEUS 16:16

Mangalusi ma si Simon Petrus, “Ho ma ibana Kristus, Anak Ni Debata Na Mangolu i.”

JOHANNES 17:1

Dung sidung didok Ia songon i, manatap ma Jesus tu langit, ning Ia ma, “O ale Amang, saonnari madung dapot hatihana. Pasangap ma AnakMu anso dipasangap AnakMi muse Ho Amang.

LUKAS 4:41

Angka setan pe marmorotan ma sian pamatang ni bahat halak, huhut marsurak-surak, “Anak Ni Debata do Ho!” Tapi disonggak Jesus ma halahi jana nada dipaloas Ia halahi mangkatai, angke diboto halahi do bahaso Ia do Kristus i.

MARKUS 15:39

Dipanotnoti komandan na jongjong di jolo ni parsilang i do sanga tarbia pangangguk ni Jesus dohot parmateNia i. Didok komandan i ma, “Tutu do bayo on Anak Ni Debata!”

MATEUS 28:17

Dung i diida halahi ma Jesus disi, tungkap ma halahi manyomba Ia. Tapi adong dope deba sian halahi na ganggu dope rohana.

MATEUS 28:9

Jadi ompot ma ro Jesus mandapotkon dadaboru i. Didok ma tu halahi, “Horas ma di hamu!” Dipadonok halahi ma tuSia, dihaol halahi ma patna i. Disomba halahi ma Ia!

MATEUS 26:63

Tapi sip sajo do Jesus. Dung i diulahi Malim Godang i ma mandok hata tuSia, “Saonnari mangasahon Debata na mangolu i hupangido tu Ho sumpahon ma tu hami, tutu do Ho Anak Ni Debata Kristus i?”

JOHANNES 19:7

Dialusi halak Jahudi i ma, “Mangihutkon tona na adong di hami simatehononkon do i, angke dioku Ia diriNia Anak Ni Debata.”

LUKAS 24:52

Dung i tungkap ma halahi marsomba tuSia, lalu mulak ma halahi tu Jerusalem mardongan jop ni roha situtu.

MATEUS 27:54

Mabiar ma komandan i rap dohot angka parajurit i na manjagoi Jesus dung diida halahi lalo i dohot sude na masa i. Didok halahi ma, “Tutu do Ia on Anak Ni Debata!”

MATEUS 15:25

Tapi haru pe na dung didok Jesus songon i, laing ro do anak boru i tu Jesus. Marsomba-somba ia mandok hatania, “O, Tuhan, urupi ma au,” ning ia.

MATEUS 4:3

Ro ma Sibolis i didok ma tuSia, “Muda Anak Ni Debata do Ho, dokkon ma tu angka batu on anso gabe roti.”

DANIEL 3:25

Dialusi raja i ma, “Antong biasi opat halak huida mardalan-dalan di bagasan api i? Nada martambat halahi jana nada bagi mahua. Jana na paopatkon i songon anak ni angka debata do tompana.”

BAENON NI ANGKA RASUL 8:36

Di tonga dalan i lalu ma halahi tu sada inganan na adong aek disi. Didok parpangkat i ma, “Ligi pe da, adong do aek indi! Aha dope na hurang anso tardidi au?” [

LUKAS 8:28

Di na niidania Jesus, mangangguhi ma ia jana marsomba di jolo ni Jesus, marsurak ma ia, “O, Jesus Anak Ni Debata Na Guminjang! Na giot mahua do Ho tu au? Gomos ma hupangidohon, ulang ma parkanciti au!”

MARKUS 14:61

Sip sajo Jesus. Sandok inda dialusi Ia. Dung i disapai Malim Godang i ma tuSia sanoli nari, “Tutu dehe Ho Kristus Anak Ni Na Tarpuji i?”

MATEUS 27:43

Dihaposi Ia do Debata, antong i ma paluahon Ia nuaeng muda na jop do roha ni Debata tuSia! Angke didok Ia do: Anak Ni Debata do Au.”

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

MATEUS 2:11

Masuk ma halahi tu bara i, diida halahi ma Dakdanak i dohot si Maria inangNia i. Dung i dibuat halahi ma panyimpanan ni silua ni halahi, marsomba ma halahi pasahatkon silua, angka sere, hamonyan dohot miak na huskus.

MATEUS 14:32

Dung i gabe rap manaek ma halahi na dua tu parau i. Alogo i pe so ma.