MATEUS 14:25 - BIBEL JAMITA NA DENGGAN

²⁵ Jadi hatiha martahuak manuk, ro ma Jesus mardalan di ginjang aek i mandapotkon halahi.

MATEUS 14:25 Referans Kwoze

JOB 9:8

Dipahembang Ia do da parlangitan, urupanmu so pola. Dilonca-lonca Ia tanggurung ni naga padoha.

JOHANNES 6:19

Madung hira-hira opat tu lima kilometer daona halahi marparau tu tonga-tonga ni dano i; jadi ompot ma diida halahi ro Jesus mardalan di ginjang aek i mandapotkon parau ni halahi i. Mabiar situtu ma halahi.

MARKUS 6:48

Diida Jesus ma halahi loja sajo mandayung parau i hara ni haroro ni alogo na maralo tu pardalan ni parau i. Jadi gabe ro ma Jesus mandapotkon halahi dompak samon dope ari, mardalan di ginjang ni aek i. Tar dipaula-ula Ia ma songon na giot manyalpui halahi.

MATEUS 24:43

Ingot hamu ma na Hudok on! Sugari diboto nampuna bagas, sanga tar andigan giot ro panangko, nada ra ia modom. Dung i nada padiaronnia masuk panangko i tu bagasan.

LUKAS 12:38

Jana muda ro ia di tonga borngin, sanga di andostorang, laing tong rade paintehonsa, jadi martua ma halahi.

MASMUR 104:3

diginjang ni aek di langit dipajongjong Ho bagasMu. Angka ombun do dibaen Ho karetaMu, na mardalan di ginjang ni habong ni alogo.

HALUMBAAN 10:5

Dung i surusuruan na huida mandegehon patna tu laut dohot tu darat i, diangkat ia ma tangannia siamun tu langit.

HALUMBAAN 10:2

Adong ma di tanganna i sada balunan buku na menek na ungkap. Patnia siamun i mandege laut, jana patnia siambirang i mandege darat.

HALUMBAAN 10:8

Dung i mangkobari muse ma mangulahi tu au sora na dung mangkobari i tu au sian banua ginjang i. Ning ia ma, “Kehe ma ho mambuat balunan ni buku na talak i na di tangan ni surusuruan na mandege laut dohot darat i.”

MARKUS 13:35

Hara ni i angkon jonggor ma hamu angke nada diboto hamu sanga na andigan nampuna bagas i mulak. Sanga na andospotang, betak na tonga borngin, ra do andostorang sanga di hananaek ni mataniari.