MATEUS 14:19 - BIBEL JAMITA NA DENGGAN

¹⁹ Dung i disuruhon Ia ma halak na bahat i marjuguhan di duhut-duhut i. Dung i dibuat Ia ma roti na lima i dohot ihan na dua i. Manatap ma Ia adop langit, mandok tarimakasi tu Debata. Dipasupasu Ia ma roti i, dung i dilehen Ia ma tu anak siseanNia i anso dibagi-bagihon tu halak na bahat i.

MATEUS 14:19 Referans Kwoze

LUKAS 24:30

Dung juguk halahi rap mangan, dibuat Jesus ma roti jana didok Ia ma tarimakasi tu Debata, dung i dibola-bola Ia ma roti i dohot tanganNia, dilehen Ia ma tu halahi.

BAENON NI ANGKA RASUL 27:35

Jadi dung didok si Paulus songon i dibuat ia ma roti, didok ia ma tarimakasi tu Tuhan di jolo ni halahi sude. Dung i dibagi-bagihon ia ma roti i, lalu dipangan ia.

MARKUS 6:41

Dung i dibuat Jesus ma roti na lima i dohot ihan na dua i. Mandorgak ma Ia adop langit mandok tarimakasi tu Debata. Dung i diponggoli Ia ma roti i diparleheni Ia ma tu angka anak siseanNia i anso dibagi-bagi tu halak na bahat i. Dohot ihan na dua i pe dibagi-bagi Ia muse ma di halahi sude.

1 KORINTUS 11:24

jana dung didokkon Ia tarimakasi tu Debata hara ni roti i, diponggoli Ia ma roti i dohot tanganNia, lalu didok Ia ma, “On ma pamatangKu na nipasahat di hamu. Baen hamu ma on laho marningot Au,” ning ia.

SURAT NI SI PAULUS TU PARLAGUTAN ROM 14:6

Halak na mangkilala umporlu sada-sada ari, laho pasangap Tuhan i do dibaen halahi songon i. Halak na mangankon sanga aha sajo, laho pasangap Tuhan i do i, angke mandok tarimakasi do ia tu Debata hara ni sipanganon i. Laing songon i muse do halak na marimbar sipanganonna; halahi pe dipasangap halahi do Tuhan i jana mandok tarimakasi do halahi tu Debata.

KOLOSSE 3:17

Pendekna, sanga aha sikarejohonon sanga sidokkononmunu, angkon mangasahon Tuhan Jesus do karejohonon jana dokkononmunu i. Jana mandok tarimakasi ma hamu tu Debata Ama i markite-hite Jesus.

1 KORINTUS 10:16

Nada he panginuman hatarimakasion do on, na marhite i tadok tarimakasi, i ma na patuduhon na dung sada do hita hara ni mudar ni Kristus i? Jana nada he roti na tabagi-bagi i do na patuduhon hasadaonta di bagasan pamatang ni Kristus i?

LUKAS 9:14

Adong do hira-hira lima ribu halaklahi disi.) Didok Jesus ma tu angka siseanNia i, “Suru hamu ma halahi juguk marsasapunguan, lima pulu halak sapunguan.”

MARKUS 7:34

Dung i manatap ma Jesus adop langit marhosa na ginjang, didok Ia ma tu bayo i, “Efata,” astuanna, “Mungkap ma ho!”

1 KORINTUS 10:31

Sanga aha pe na nibaenmunu – mangan sanga minum hamu – pasangapkon Debata ma baen hamu sudena i.

JOHANNES 6:23

Adong do angka parau na marroan sian Tiberias maradian donok tu inganan parmanganan ni halak na mangan roti i dung didok Jesus tarimakasi tu Debata.

MARKUS 6:39

Dung i disuru Jesus ma marjuguhan sude halak na bahat i marturpuk-turpuk di ruput na mangarata i.

JOHANNES 11:41

Dung i dipaorot halahi ma batu i. Jadi manatap ma Jesus tu langit jana didok Ia ma, “Tarimakasi ma Hudok tu Ho Amang hara ni na nitangihonMu pangidoanKu.

LUKAS 22:19

Dung i dibuat Jesus ma roti. Dung didokkon Ia tarimakasi tu Debata, dibola-bola Ia ma roti i, dung i diparleheni Ia ma tu halahi jana didok Ia ma, “On ma pamatangKu, [na nilehen di hamu. Baen hamu ma songon i laho marningot Au.”

LUKAS 9:16

Dibuat Jesus ma roti na lima i dohot ihan na dua i, ditatap Ia ma tu langit jana didok Ia ma tarimakasi tu Debata. Dibolai Ia ma dohot tanganNia roti i, songon i dohot ihan i, dung i dilehen Ia ma tu angka siseanNia i anso dibagihon tu halak na bahat i.

MATEUS 14:18

“Boan hamu ma i tuson,” ninna Jesus.

LUKAS 22:17

Jadi dibuat Jesus ma panginuman ni anggur, didokkon Ia ma tarimakasi tu Debata, dung i didok Ia ma, “Buat hamu ma jana parbagihon hamu ma;