MATEUS 14:1 - BIBEL JAMITA NA DENGGAN

¹ Jadi hatiha i tarbege ma tu si Herodes, gubernur ni Galilea taringot tu Jesus.

MATEUS 14:1 Referans Kwoze

LUKAS 3:1

Di taon palima bolaskon dung mamarenta Kesar Tiberius, si Pontius Pilatus ma na gabe gubernur di Judea, jana si Herodes mamarenta di Galilea. Si Pilipus dongan saama ni si Herodes mamarenta di Luat Iturea dohot Trakhonitis, jana si Lisanias mamarenta di Abilene.

BAENON NI ANGKA RASUL 4:27

Tutu do songon i. Angke marlagut do si Herodes dohot si Pontius Pilatus rap dohot halak na so mananda Tuhan bope halak Israel di kota on. Marlagut do halahi laho mangalo Jesus NaposoMu Na Badia i, na NimiahanMi,

MARKUS 8:15

“Manat-manat ma hamu maradopkon ragi ni halak Parise dohot ragi ni si Herodes,” ninna Jesus tu halahi.

LUKAS 23:15

Songon i muse do mangihutkon pandapot ni si Herodes, angke ia pe madung ditongos ia mangulahi Jesus on tu hami. Nada adong dibaen Bayo on sanga aha pe na mambaen Ia angkon niuhum tu hamatean.

BAENON NI ANGKA RASUL 12:1

Di hatiha i mamungka ma Raja Herodes mamparkanciti piga-piga halak sian ruas ni parlagutan.

LUKAS 3:19

Bope si Herodes, gubernur ni Galilea i laing digorahon si Johannes do hara ni na nibuatnia si Herodias dadaboru ni anggina bope hara ni sude hajahatannia na asing na nibaennia.

MATEUS 9:26

Jadi tarbonggal ma barita na masa i di na saluat i.

MATEUS 9:31

Tapi kehe ma halahi paboa-boahon taringot tu Jesus di na saluat i.

MATEUS 13:58

Hara ni i, gabe nada bahat hahomangan dibaen Jesus disi. Hara ni na so porsaya i halahi.

LUKAS 8:3

dohot si Johanna daboru ni si Khusa, bendahara ni Raja Herodes; si Susanna, bahat dope tehe daboru na asing. Halahi sandiri do na pasingkop na hasaya di Jesus rap dohot angka siseanNia i.

BAENON NI ANGKA RASUL 13:1

Adong do angka panurirang dohot angka guru di parlagutan na di Antiokia. I ma angka si Barnabas, si Simeon na nigoaran muse si Niger (astuanna ‘Si Lomlom’), si Lukius halak Kirene, si Menahem, bayo na dipagodang-godang rap dohot Gubernur Herodes dohot si Saulus.