MATEUS 13:51 - BIBEL JAMITA NA DENGGAN

⁵¹ “Mangarti do hamu sudena i?” ninna Jesus manyapai. “Madung!” ning halahi mangalusi.

MATEUS 13:51 Referans Kwoze

MARKUS 4:34

Sai marumpama do Jesus muda mangajari Ia tu halak na bahat i. Tapi anggo Ia dohot angka siseanNia i sajo, dipatorang Ia do sude tu halahi.

MATEUS 13:19

Sanga ise na mambege jamita taringot tu Harajaan Ni Banua Ginjang, tapi nada diastui ia, sarupa ma i dohot same na nisaburkon tu dalan i. Ro ma Sibolis parjahat i mangarampas na nisaburkon tu roha ni halahi.

MATEUS 13:11

Dialusi Jesus ma, “Harana, tu hamu do por roha ni Debata paboahon sitabunian ni harajaanNia. Anggo tu na asing i, nada.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

MARKUS 7:18

Didok Jesus ma tu halahi, “Na sarupa do bodomunu hape dohot halak na asing i? Nada he diboto hamu sude na masuk sian duru tu bagasan ni sada-sada halak inda gabe pahodarkon halahi i?

MATEUS 24:15

“Idaonmunu ma masa hajahatan na manyegohon tarjadi di inganan na badia on, songon na nidok ni Panurirang Daniel. (Sanga ise na manyise i: Diparate-atehon ma artina!)

MATEUS 16:11

Biasi jabat songon i nada mangarti hamu, na so taringot tu roti do na Hudok? Manat-manat ma hamu mida ragi ni halak Parise dohot Saduse!”

MATEUS 15:17

Inda he diboto hamu? Sude na masuk tu pamangan ni sada-sada halak, tu butuha do kehe ni i. Dung i ruar ma i mangulahi.

MATEUS 13:50

Dung i diambungkon ma halak na jahat i tu purunan ni api. Disi ma halahi mangangguhi jana patungaripon.”

MATEUS 13:52

Dung i ninna Jesus ma, “Hara ni i ma, sude Siboto Surat na dung mangguruhon Harajaan Ni Banua Ginjang i, gabe tarsongon sada halak tuan di sada bagas do i, na paruarkon sian panyimpananna sude barang-barangnia sigodang arga, na imbaru dohot na dung honok.”