MATEUS 13:48 - BIBEL JAMITA NA DENGGAN

⁴⁸ Dung gok jala i, disarat parihan i ma i tu darat. Jadi juguk ma halahi mamili i angka ihan i: Muda na denggan, dipamasuk ma i tu ingananna tapi na so denggan diambungkon halahi.

MATEUS 13:48 Referans Kwoze

MATEUS 13:30

Padiar ma songon i rap tubu simareme-eme i dohot eme i lopus tu sabion on. Anggo disi saulahon hudokkon pe tu angka na manyabi i, palagut hamu ma sude duhut-duhut. Rahuti hamu anso nitutungan. Dung i palagut hamu ma eme i anso nipasimpan tu talobat.’ ”

MATEUS 3:12

DitanganNia do anduri laho mamiari. PiaranNia ma emena i tu talobat, tapi anggo lapung tutungonNia ma tu api na so ra mintop.”

MATEUS 4:18

Dompak mardalan Jesus di topi ni Dano Galilea, diida Ia ma dua halak parihan. Markaha-maranggi do halahi na dua. I ma si Simon (na margoar muse si Petrus) dohot angginia si Andreas. Hatiha manangkup ihan do halahi, angke marihan do karejo ni halahi.

MATEUS 13:47

“Anggo Harajaan Ni Banua Ginjang laing tarsongon jala na nisampakkon tu laut do i. Gabe dapot ma marragam-ragam ihan.

MATEUS 13:49

Songon i ma pangalahona di ari na parpudi. Marroan ma angka surusuruan manyirang halak parjahat sian halak na patuluskon na nipangido ni roha ni Debata.