MATEUS 13:24 - BIBEL JAMITA NA DENGGAN

²⁴ Dung i dipaboa Jesus ma sada hari umpama tu halak na bahat i songon on, “Anggo Harajaan Ni Banua Ginjang tudos do i tu sada halak partani na manyabur same na denggan di ladangnia.

MATEUS 13:24 Referans Kwoze

MATEUS 25:1

“Muda ro Anak Ni Jolma i songon Tuhan, tarsongon umpama on do pangalahona: Sampulu halak bujing-bujing pandongani ni bayo pangoli na mambuat lampu laho kehe mangalo-alo bayo pangoli i.

MATEUS 20:1

“Anggo Harajaan Ni Banua Ginjang, tarsongon sada halak nampuna kobun anggur do i. Manyogot-nyogot i kehe ma ia manjalahi halak na giot markarejo di kobun anggurnia i.

MATEUS 13:47

“Anggo Harajaan Ni Banua Ginjang laing tarsongon jala na nisampakkon tu laut do i. Gabe dapot ma marragam-ragam ihan.

MATEUS 22:2

Didok Ia ma, “Anggo Harajaan Ni Banua Ginjang tarsongon sada raja na mambaen horja parbagason ni anakna do i.

MATEUS 13:37

Dipatorang Jesus ma, “Anggo na nidok na manyabur same na denggan i, i ma Anak Ni Jolma i.

LUKAS 13:20

Dung i didokkon Ia ma mangulahi, “Tu aha ma Hupatudos Harajaan Ni Debata?

LUKAS 13:18

Dung i didokkon Jesus ma, “Tudos tu aha ma Harajaan Ni Debata i? Tu aha ma patudosonKu?

MATEUS 13:33

Adong dope umpama na asing dicaritohon Jesus tu halak na bahat i. “Anggo Harajaan Ni Banua Ginjang tarsongon ragi do i. Dibuat anak boru i ma ragi i, dicampurkon ia ma tu topung tolu tabung, lopus kombang sude!”

1 PETRUS 1:23

Angke markite-hite hata ni Debata na mangolu jana na manongtong i, madung gabe jolma na imbaru hamu dibaen, i ma na so sorang sian jolma, tapi sian Ama na manongtong i do.

MATEUS 13:31

Dicaritohon Jesus ma sada nari umpama tu halak na bahat i, “Anggo Harajaan Ni Banua Ginjang tarsongon batu ni sabi do i. Dibuat halak ma i, disuan ia di ladangnia.

MATEUS 18:23

Harana anggo Harajaan Ni Banua Ginjang tarsongon sada raja na giot pasalosehon angka utang ni naposonia do i.

MATEUS 13:19

Sanga ise na mambege jamita taringot tu Harajaan Ni Banua Ginjang, tapi nada diastui ia, sarupa ma i dohot same na nisaburkon tu dalan i. Ro ma Sibolis parjahat i mangarampas na nisaburkon tu roha ni halahi.

MATEUS 3:2

“Pauba hamu ma rohamunu”, ning ia, “harana inda pola lolot be, pungkaon ni Debata ma padalankon pangarajaionNia!”

MATEUS 21:33

“Tangihon hamu ma jolo umpama na sada nari on,” ninna Jesus. “Adong ma sahalak partano na bidang nampuna kobun anggur, dihandang ia ma sude humaliang kobun i, dihuar ia ma lubang inganan pamoroan ni anggur, dibaen ia muse ma tuhu-tuhu inganan ni na manjago. Dung i dipabolahon ia ma kobun anggurnia i tu angka pamola, kehe ma ia mardalanan tu luat na asing.

MATEUS 4:23

Dung i dibolus Jesus ma sude Luat Galilea. Mangajari ma Ia di angka bagas paribadatan ni halahi. Dijamitahon Ia ma Jamita Na Denggan taringot tu Harajaan Ni Debata. Dipamalum Ia ma angka na marnyae dohot halak na markahurangan.

KOLOSSE 1:5

Hara ni angka na niarop ni rohamunu tu na niparade ni Debata di hamu di banua ginjang i, gabe porsaya jana marholong ni roha do hamu. Madung dibege hamu taringot tusi di na nipasahat tu hamu hatatangkas ni barita taringot tu Jamita Na Denggan i na sian Debata.

JEHESKIEL 17:2

Ale anak ni jolma parsantongkinan, hatahon ma sada umpama tu Israel.

JESAYA 28:13

Hara ni i ma da umbaen na giot ajaron ni Tuhan i hamu marhite: Angkon on do angkon i, musti on do musti i, tamba on tamba i. Jana angkon tartuktuk hamu ganop mangalangka. Angkon mabugang hamu, tarjorat jana tartangkup.

JESAYA 28:10

Harana angkon on do angkon i, musti on do musti i, tamba on tamba i.”

MATEUS 13:25

Jadi di sada borngin, dung marmodoman sude halak, ro alo ni partani i manyabur simareme-eme di tonga-tonga ni eme i. Dung i kehe ia.