MATEUS 13:21 - BIBEL JAMITA NA DENGGAN

²¹ Tapi nada pola sadia gomos di bagasan roha ni halahi, gabe inda sadia honok tahan. Muda ro hasusaan dohot pangayak-ayahan hara ni jamita i, manigor marbalik ma halahi.

MATEUS 13:21 Referans Kwoze

MATEUS 11:6

Martua do halak na so mandele hara ni Au!”

HOSEA 6:4

Tapi didok Tuhan ma, “Ale Israel dohot Juda! Angkon bia noma hamu baenonKu? Tibu do mago holong ni rohamu tu Au songon nambur sanga ombun manyogot.

EPESUS 3:17

Hara ni na porsaya i hamu tu Kristus, sai maringanan ma nian Kristus di bagasan rohamunu, jana mur togu ma ngolumunu hara ni holong ni roha na dung marurat di bagasan hamu.

PODA 12:3

Nada hot marbungaran halak hara ni hajahatan; halak na jujur hot do so tarhutur.

JOB 19:28

‘Bia do baenonta manuntut ia?’ Manjalahi dalan ma hamu anso roroonmunu au.

MASMUR 36:3

Gok sipaoto-oto, jahat angka hatana, anggo na denggan dohot habisuhon nada dibaensa.

2 TIMOTEUS 1:15

Diboto ho do na dung morot sude halak na di Luat Asia manadingkon au, dohot ma disi si Pigelus dohot si Hermogenes.

PILIPPI 1:6

Debata sandiri do na mamungka karejo na denggan i di tonga-tongamunu. Jana pos do rohangku toruskononNia karejo i lopus tu ari haroro ni Kristus Jesus mangulahi.

GALATIA 6:15

Disunat sanga na so disunat, inda adong arti ni i, tapi halak na nitompa gabe imbaru, i sajo do na mararti.

GALATIA 6:12

Halak na giot patujolohon dirina di angka pangalaho na tarida, halahi do na mamaksa hamu mangihutkon paraturan ni sunat. Tapi dibaen halahi pe songon i, hum anso ulang dimusui halak Jahudi do halahi hara ni silang ni Kristus i.

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

SURAT NI SI PAULUS TU PARLAGUTAN ROM 2:7

Lehenon ni Debata ma ngolu na manongtong tu sude na mangkaburjuhon na denggan, hasangapan na sanggam jana na manongtong i.

JOHANNES 6:26

Dialusi Jesus ma, “Satutuna do na Hudok tu hamu: Nada hara ni na dung diastui hamu angka hahomangan na Hubaen i umbaen na nijalahanmunu Au, tapi hara ni na dung butongan do hamu mangan roti i.

LUKAS 8:13

Same na madabu tu tano na marbatu i, i ma manggambarkon angka halak na manangihon hata i jana na manjagitsa mardongan sonang ni roha. Tapi nada jabat marurat di bagasan roha ni halahi. Hum santongkin sajo do halahi porsaya hape di na ro pandugaan, marbalik ma halahi.

MARKUS 4:17

Tapi nada jabat bagas dope di roha ni halahi, gabe nada tahan honok disi. Muda masa hasusaan sanga siksaan hara ni hata i, manigor marbalik ma halahi.

MATEUS 26:33

Didok si Petrus ma tu Jesus, “Haru sude pe halahi maninggalkon Ho Tuhan, anggo au bagi na bia pe nada hutinggalkon Ho!”

MATEUS 26:31

Dipaboa Jesus ma tu angka anak siseanNia i, “Borngin on mandao be ma hamu sude, tinggalkononmunu ma Au. Harana tarsurat do di Buku Na Badia i, ‘BunuonKu ma parmahan i gabe marserak ma sude pahan-pahanan.’

MATEUS 24:13

Tapi sanga ise na tahan lopus tu ujungna, gabe paluaon ma ia.

MATEUS 13:57

Gabe nada ra halahi manjagit Jesus. Gabe didok Jesus ma tu halahi, “Jadi anggo panurirang, sanga di dia pe dipasangap halak do i. Tapi nada sangap ia anggo di huta hagodangan dohot di bagasnia sandiri.”

MATEUS 13:6

Tapi dung manaek mataniari, rahar ma i lalu mate hara ni pejet ni uratna i.

MATEUS 10:22

Goyak ma roha ni halak sude mida hamu hara ni Au. Tapi na torus tahan lopus tu ujungna, i do na giot paluaon.

PODA 12:12

Halak na durako gok do tahi na jahat; halak na denggan songon hayu na marbatu.

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.

2 TIMOTEUS 4:10

harana madung ditinggalkon si Demas au hara ni holong ni rohania tu portibi on. Madung kehe ia tu Tessalonika. Si Kreskes pe madung kehe tu Galatia jana si Titus tu Dalmatia.

HALUMBAAN 2:13

Huboto do sanga di dia hamu maringanan. Di inganan ni kuaso ni Sibolis i do ingananmunu. Burju do hamu tu Au. Dompak na dibunu i pe si Antipas saksingKu na burju i di tonga-tongamunu di markas ni Sibolis i, disi pe nada disoadahon hamu paboa na porsaya hamu di Au.

MATEUS 13:20

Same na nisaburkon tu inganan na marbatu-batu i, i ma tarsongon halak na manigor marjop ni roha manjagit jamita i hatiha dibege ia.

JAKOBUS 3:2

Jotjot do hita sudena mambaen hasalaan. Sanga ise na so jungada mambaen hasalaan di angka hatana, halak na sanggam do i, na margogo mangarajai dirina.