MATEUS 12:50 - BIBEL JAMITA NA DENGGAN

⁵⁰ Halak na patuluskon na nipangido ni roha ni Damang na di banua ginjang i, i do kahanggingKu, i do ibotongKu, i do dainang.”

MATEUS 12:50 Referans Kwoze

LUKAS 8:21

Tapi didok Jesus ma tu halahi sude, “Angka halak na umbege hata ni Debata jana na mamarangehonsa, i do Dainang dohot anggingKu.”

MARKUS 3:35

Halak na mambaen lomo ni roha ni Damang, angka i do kahanggingKu dohot ibotongKu dohot Dainang.”

JOHANNES 15:14

Angka ale-alengKu ma hamu muda dikarejohon hamu sanga aha na Huparentahon tu hamu.

JOHANNES 6:29

Dialusi Jesus ma, “On ma na nipangido ni roha ni Debata sikarejohononmunu diSia: Haporsayai hamu ma na nisuru ni Debata i.”

MATEUS 28:10

Jadi didok Jesus ma tu halahi, “Ulang hamu mabiar, kehe ma hamu, baritahon hamu ma i tu angka kahanggingKu anso kehe halahi tu Galilea, disi ma diida halahi Au.”

SURAT NI SI PAULUS TU PARLAGUTAN ROM 8:29

Angka na nipiliNia, madung ditontuhon muse do halahi sian mulana anso sarupa songon tiruan ni AnakNia, anso Anak i ma gabe siangkaan ni bahat kahanggi.

JOHANNES 6:40

Harana on do hagiot ni Damang: Sudena halak na marnida Anak i jana porsaya tuSia, i do na marhangoluan na so mantak jana pangoluonKu ma halahi mangulahi dung di Ari Parpudi.”

1 JOHANNES 2:17

Na giot mago do portibi on bope sasudena na adong di bagasanna na nihalungunkon ni jolma. Tapi anggo halak na patulus hagiot ni Debata, mangolu do salolot-lolotna.

MATEUS 25:40

Alusan ni Raja i ma, ‘Ingot hamu ma on: Hatiha dibaen hamu songon i tu sada halak sian angka kahanggingKu na umdangol i, etongon na tu Au do i dibaen hamu!’

1 TIMOTEUS 5:2

jana angka dadaboru na matobang, songon inanta sandiri. Tu angka bujing-bujing, angkon ias sun do baenonmu pangalahomu, songon tu ibotomu sandiri.

1 PETRUS 4:2

Hara ni i, salolot mangolu hamu di tano on tu pudi on, ihutkon hamu ma hagiot ni Debata, ulang be mangihut di hagiot ni jolma hamu.

GALATIA 6:15

Disunat sanga na so disunat, inda adong arti ni i, tapi halak na nitompa gabe imbaru, i sajo do na mararti.

JOHANNES 20:17

Didok Jesus ma tu si Maria, “Ulang jama Au jolo, harana nada podo manaek Au tu Damang. Kehe ma ho mandapotkon angka kahanggingKu jana paboa ma tu halahi, ‘Manaek ma Au tu Damang, i ma Amangmunu muse; tu DebatangKu, i ma Debatamunu muse.’ ”

HALUMBAAN 22:14

Martua do sanga ise halak na paiaskon baju jubana lopus ias. Halahi do na tola mangankon batu ni hayu hangoluan dohot na tola mandalani masuk tu kota i sian harbanganna i.

KOLOSSE 3:11

Hara ni sasudena i gabe mago ma angka parasingan ni halak Jahudi dohot na so Jahudi, halak na marsunat dohot na so marsunat; nada adong be parasingan ni angka bangso; nada adong be hatoban sanga na mardeka; angke hum Kristus noma sasudena. Mardomu do Kristus dohot halahi sudena!

GALATIA 5:6

Angke muda dung marsada hita dohot Kristus Jesus, nada pola parsoalan be na mangihutkon paraturan ni sunat sanga na so mangihutkon aturan i. Manghaporsayai Kristus sajo noma na porlu, jana tarida ma i di bagasan holong ni rohanta maradopkon halak na asing.

BAENON NI ANGKA RASUL 17:30

Madung disalpuhon Debata angka hatiha i dompak maoto hita, tapi anggo saonnari madung disuru Ia sudena jolma na satano on pauba rohana sian angka dosa ni halahi be.

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

MASMUR 22:22

Sai paboa-boaonku do pambaenanMu tu bangsoMu, di parluhut-luhutan ni halahi, papuji-pujionku do goarMu.

IBRANI 5:9

Jadi dung sanggam Ia, gabe Ia ma haroroan ni haluaan na manongtong di sude halak na burju mangoloi Ia.

2 KORINTUS 11:2

Malungun do au di hamu, songon dihalungunkon Debata sandiri hamu. Tarsongon bujing-bujing na ias dope hamu, na hupatunangkon tu sada bayo, i ma Kristus.

BAENON NI ANGKA RASUL 26:20

Tangkas do hupatorang sanga na tu ise pe anso marsipauba rohana be sian angka dosana jana marsipasahat dirina be ma tu Debata jana angkon tarida ma di ngolu ni halahi be paboa na dung muba rohana sian dosa ni halahi be. Di Damaskus ma parjolo hupatorang songon i, dung i baru di Jerusalem dohot di sude Luat Judea dohot di tonga-tonga ni angka bangso na asing.

MATEUS 25:45

Alusan ni Raja i ma, ‘Tangkas ma jolo tangihon hamu: Di na so ra hamu mangurupi sahalak sian na umdangol on, etongon na so ra do hamu mangurupi Au.’

1 KORINTUS 9:5

Nada he adong do haknami marbagas jana mardongan dadaboru di pardalanannami; laing songon rasul na asing, sanga songon angka anggi ni Tuhan dohot si Kepas?

ENDE NA GODANG 4:12

Anggi, tunanganku, songon sada kobun na buni do ho; kobun na martembok, dohot mata aek di bagasan.

MATEUS 12:49

Laing ditudu Ia ma tu angka anak siseanNia i, ning Ia, “Ligi hamu ma, halak on do dainang dohot kahanggingKu.

MATEUS 13:1

Laing di na sadari i, kehe ma Jesus sian bagas i tu topi ni dano. Disi ma Ia juguk.