MATEUS 12:46 - BIBEL JAMITA NA DENGGAN

⁴⁶ Dompak na mangkobari Jesus dohot halak na bahat i, ro ma inangNia rap dohot angka kahanggiNa, giot mangkobari dohot Ia. Tapi hara ni na so tarbaen dope laing di ruar ma halahi jongjong.

MATEUS 12:46 Referans Kwoze

MATEUS 13:55

Nada he anak ni tukang hayu i do Ia? Nada he si Maria do inangNia; dohot si Jakobus, si Josep, si Simon dohot si Judas do angka anggiNia?

JOHANNES 2:12

Dung i kehe ma Jesus, inangNia i dohot angka anggiNia rap dohot angka siseanNia tu Kapernaum, disi ma halahi piga-piga ari.

JOHANNES 7:5

Angke nada porsaya angka kahanggiNia i sandiri tuSia.)

JOHANNES 7:3

Jadi didok angka kahanggiNia ma tuSia, “Kehe ma Ho sian on tu Judea, anso laing diida angka siseanMi parkarejoanMu.

BAENON NI ANGKA RASUL 1:14

satahi saoloan do halahi na marlagut i laho martangiang. Rap martangiang ma halahi dohot angka dadaboru songon i dohot si Maria inang ni Jesus dohot anggi ni Jesus.

MARKUS 6:3

Na he tukang hayu do Ia, i ma anak ni si Maria i? Angka si Jakobus, si Joses, si Judas dohot si Simon na he anggiNia do i? Jana nada he rap dohot hita do angka ibotoNia i?” Hara ni i ma umbaen na so ra halahi manjagit Ia.

GALATIA 1:19

Anggo dohot angka rasul na asing i nada marsuo au. Hum si Jakobus anggi ni Tuhan i sajo do.

1 KORINTUS 9:5

Nada he adong do haknami marbagas jana mardongan dadaboru di pardalanannami; laing songon rasul na asing, sanga songon angka anggi ni Tuhan dohot si Kepas?

JOHANNES 7:10

Dung kehe kahanggiNia tu pesta i, kehe muse ma Jesus tusi sip-sip.

LUKAS 2:48

Homang ma roha ni simatobangNia i midasa. Didok inangNia i ma tuSia, “Amang! Biasi songon on dibaen Ho tu hami? Ma jabat sak rohangku dohot amangMu manjalak-jalahi Ho!”

LUKAS 8:10

Ninna Jesus ma mangalusi, “Madung dilehen anggo di hamu parbinotoan laho umboto sibunian ni Harajaan Ni Debata. Tapi anggo tu halak na asing mamake umpama do dipaboa taringot tusi, anso ulang diida halahi haru pe nian manaili halahi; haru pe marbinege halahi tapi nada mangarti.”

MARKUS 2:21

Nada adong halak mambaen abit na imbaru gabe pandungkap tu abit na buruk. Muda songon i dibaen ia, sibakkonon ni pandungkap na imbaru i do abit na buruk i. Mur bidang ma parsibakna i.

JOHANNES 2:5

Dung i didok inangNia i ma tu angka parkobas na disi, “Muda disuru Ia hamu mambaen sanga na aha, baen hamu ma songon i.”

LUKAS 2:33

Homang ma roha ni natoras ni Dakdanak i umbege na nidok taringot tu Dakdanak i.

JOHANNES 2:1

Dung dua ari, adong ma pesta ni na marbagas di kota Kana na di Galilea. Ro do tusi inang ni Jesus,

LUKAS 2:51

Dung i mulak ma Jesus rap dohot halahi tu Nasaret, mangoloi tu halahi. Sudena i disimpan inangNa i ma di bagasan rohania.

MATEUS 2:20

Didok surusuruan i ma, “Jongjong ma ho! Buat ma Dakdanak i dohot inangNa i, oban ma halahi mulak tu tano Israel. Harana, ma mate angka halak na giot mamunu Dakdanak i.”

MATEUS 2:11

Masuk ma halahi tu bara i, diida halahi ma Dakdanak i dohot si Maria inangNia i. Dung i dibuat halahi ma panyimpanan ni silua ni halahi, marsomba ma halahi pasahatkon silua, angka sere, hamonyan dohot miak na huskus.

MATEUS 1:18

Songon on ma baritana taringot tu hasosorang ni Jesus Kristus. Dompak martunangan dope si Maria dohot si Josep, hape na dung denggan do pamatangnia. I ma sian kuaso ni Tondi Parbadia. Hum na martunangan dope halahi hatiha i, nada marbagas dope.

JOHANNES 19:25

Jongjong ma di lambung ni parsilang ni Jesus i, inangNia, bujingNia, si Maria dadaboru ni si Klopas dohot si Maria Magdalena.

LUKAS 1:43

Ise dehe au on umbaen na ro ina ni Tuhanku mandapotkon au?

MATEUS 12:47

Dung i dipaboa sahalak sian na bahat i ma tu Jesus, ning ia, “Di ruar do halak inang dohot kahanggi ni Guru i, giot mangkobari dohot Guru i.”

LUKAS 2:34

Dipasupasu si Simeon ma halahi jana didok ia tu si Maria inang ni Dakdanak i, “Na dung ditodo Debata do Dakdanak on laho mangarorak dohot pajongjongkon bahat halak Israel. Baen sada tanda na parohon partangkangan,