MATEUS 11:7 - BIBEL JAMITA NA DENGGAN

⁷ Dung mulak angka anak sisean ni si Johannes i, ditaringoti Jesus ma tu halak na bahat i salaho tu si Johannes. Ning Ia: “Na giot mangaligi aha do hamu di na kehe tu halongonan? Sanggar na niombus ni alogo do?

MATEUS 11:7 Referans Kwoze

JAKOBUS 1:6

Tapi angkon porsaya do sanga ise na mangido i; ulang ganggu rohana. Angke tarsongon ombak ni laut na nionjar tu siamun siambirang do anggo halak na ganggu roha.

JOHANNES 5:35

Songon lampu na gara jana na marsinondang do da anggo si Johannes; jana hamu pe, anggo hum santongkin ra do hamu ditorangi sondang ni lampu i.

EPESUS 4:14

Jadi nada be dakdanak hita na so marhatontuan jana na taroban-oban tu jae tu julu baenon ni angka pangajaran na marragam rupa na sian halak na bisuk. Lilu do halak dibaen halahi hara ni malo-malo ni halahi.

PAMUNGKAAN 49:4

Songon aek magodang na marhusasak do ho, tapi nada ho be sipatujoloon. Angke didongani ho modom radingku. Dipahodar ho podoman ni amangmu.

LUKAS 8:18

Antong parrohahon hamu ma tangkas sanga songon dia parbinegemunu. Angka halak na dung marnampuna, nitambaan muse dope disia. Tapi halak na so adong diha-dihana, dibuat muse dope sian ia sanga aha na nietongnia adong disia.”

MATEUS 21:25

Sian ise do dijagit si Johannes kuasonia laho mandidihon? Sian Debata do sanga sian jolma?” Jadi marpikir ma halahi di bagasan rohana mandok, “Muda tadokkon, ‘Sian Debata’, gabe dohononNia ma tu hita: ‘Anggo songon i biasi inda porsaya hamu tu si Johannes?’

MATEUS 3:5

Marroan ma halak Jerusalem, dohot angka halak Judea na asing i dohot halak na donok tu Batang aek Jordan manopot si Johannes.

JOHANNES 1:38

Manaili ma Jesus tu pudi, jadi diida Ia ma halahi na mangihutkon Ia. Ninna Jesus ma, “Manjalahi aha dehe hamu?” Ninna halahi ma mangalusi, “Rabbi, di dia dehe Ho maringanan?” (Rabbi, astuanna ‘Guru’.)

MATEUS 11:8

Aha do satutuna na giot ligionmunu? Halak na marpakean na jeges do? Anggo angka na marbaju na jeges di bagas godang do i!

MATEUS 12:20

Nada diponggolkon Ia arong na gale-gale i, nada intopanNia sumbu na medep-edep. Angkon gogohononNia do lopus jongjong hatigoran,