MATEUS 11:4 - BIBEL JAMITA NA DENGGAN

⁴ Dialusi Jesus ma, “Mulak ma hamu, paboa hamu ma tu si Johannes sude na nibege dohot na niidamunu.

MATEUS 11:4 Referans Kwoze

MATEUS 11:3

“Hamu do lakna Amang na dijanjihon na giot ro i, sanga halak na asing dope sipainteonnami?”

MATEUS 11:5

Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.

JOHANNES 5:36

Tapi adong dope di Au hatorangan na ummarga sian na nilehen ni si Johannes. Karejo na nidok ni Damang karejohononKu, i ma karejo na Hubaen saonnari, sudena i patorangkon bahaso Ama i do na marsuru Au.

MATEUS 8:3

Disurduhon Jesus ma tanganNia laho manjama bayo i. Didok Jesus ma tusia, “Ra do Au, malum ma ho!” Santongkin i mago ma nyaena i jana manigor malum.

MATEUS 15:30

Marroan ma bahat halak mandapotkon Ia maroban angka na timpang, na mapitung, na onyangon, na ngungu dohot angka na marnyae na asing. Dipayakkon halahi ma angka na marnyae i di lambung pat ni Jesus. Gabe dipamalum Jesus ma halahi.

MATEUS 21:14

Marroan ma angka na mapitung dohot na onyangon tu jolo ni Jesus di Bagas Ni Debata i. Sude halahi dipamalum Jesus.

JOHANNES 14:11

Porsaya ma hamu di Au, na sada do Au dohot Ama i, jana Ama i dohot Au. Tapi porsaya ma hamu tu Au hara ni sude angka parkarejoan i.