MATEUS 11:25 - BIBEL JAMITA NA DENGGAN

²⁵ Jadi didok Jesus ma hatiha i, “Ale, Amang, Tuhan ni langit dohot tano! Tarimakasi ma Hudok tu Ho dibaen dibunihon Ho do i sude di halak na malo dohot na pistar. Hum tu halak na so pola pistar do dipatidahon Ho i.

MATEUS 11:25 Referans Kwoze

MATEUS 21:16

Didok halahi ma tu Jesus, “Na so dibege Ho do na nidok ni halahi i?” “Olo, Hubege do,” ninna Jesus mangalusi, “Na so unjung do dibaca hamu hata na mandok: ‘Dakdanak dohot na baru sorang pe na dung Huajari do mandok hata puji-pujian na sun denggan’?”

MASMUR 8:2

diendehon dakdanak dohot na baru sorang. PamarentahonMu nada tarhutur, musu parkosom dibaen Ho gabe hohom.

MATEUS 16:17

“Na martua do ho ale Simon anak ni si Junus!” ninna Jesus, “Harana nada jolma be na paboahon pangalaho i tu ho, tapi Damang na di banua ginjang i do.

2 KORINTUS 3:14

Madung digupgupi roha ni halahi. Jana lopus tu sadari on pe laing targupgup dope roha ni halahi dibaen panggupgupina i muda disise halahi angka buku taringot tu parjanjian na honok. Angkon marhasadaon dohot Kristus do, anso tarungkap halak panggupgupi i.

BAENON NI ANGKA RASUL 17:24

Debata na manjadihon tano on dohot sude isina, i ma Tuhan di langit dohot di tano on. Nada ra Ia maringanan di angka bagas ni debata na nipature ni tangan ni jolma.

JOHANNES 11:41

Dung i dipaorot halahi ma batu i. Jadi manatap ma Jesus tu langit jana didok Ia ma, “Tarimakasi ma Hudok tu Ho Amang hara ni na nitangihonMu pangidoanKu.

DANIEL 2:23

Ale Debata na nisomba ni daompung, hupuji jana hupasangap Ho. Dibaen dilehen Ho di au bisuk dohot gogo. Madung ditangihon Ho pangidoannami. Jana dipatuduhon Ho do alus tu raja i.”

JESAYA 66:1

Songon on do pandok ni Tuhan, “Langit do habangsangKu, jana portibi sidegean ni patKu. Jadi bagas na tarbia ma he na giot bangunonMu di Au, jana inganan na tarbia ma he na giot baenonmu parmiananKu?

LUKAS 22:42

didok Ia ma, “Ale Amang, sugari ra ma Ho, pasalpu ma panginuman sitaonon on sian Au; tapi nada anggo hagiotKu na tulus, hagiotMu ma patulus!” [

DANIEL 4:35

Nada adong astuan ni bangso na di portibi on. Dirajai Debata do surusuruan na di banua ginjang dohot jolma na di tano on. Sahalak pe nada adong tarbaen mangalo hagiotNia, nada adong na puluk manyapai sanga aha na nibaenNia.

JESAYA 5:21

Marjaya ma halahi hara ni na diambang dirina na bisuk jana na lobi pistar.

1 JUJUR TAON 29:13

Saonnari, ale Debatanami, mandok tarimakasi ma hami tu Ho, jana hami puji ma goarMu na godang i.

2 RAJA-RAJA 19:15

Martangiang ma ia, ning ia, “O Tuhan, Debata ni Israel na maringanan di ginjang ni angka kerub, hum sasada Ho do Debata na mamarenta sandok harajaan di sisik ni tano on. Ho do na manjadihon langit dohot tano.

1 SAMUEL 2:18

Anggo si Samuel anak ni si Hanna i, dipupu ia do mangoloi Tuhan. Mamake baju efod do ia na dibaen sian abit linen, songon baju parkobas ni angka malim.

PAMUNGKAAN 14:22

Dialusi si Abram ma, “Husumpahon ma di jolo ni Debata Na Gumincat i, na manompa langit dohot tano,

PAMUNGKAAN 14:19

dipasupasu ia ma si Abram jana ning ia ma, “Sai dipasupasu Debata Na Gumincat i ma si Abram!

JOB 37:24

I ma da dalanna anso sude jolma pasangapkon Ia, jana sanga ise na mandok dirina marbisuk, nada be i diterge ia.”

LUKAS 23:34

Dung i martangiang ma Jesus, “Ale Amang, sesa ma hasalaan ni halahi! Angke nada diboto halahi sanga aha na nibaen ni halahi.”

JOHANNES 12:27

“Songon na marsak do rohangKu saonnari. Aha do na giot sidohononKu? DohononKu do, ‘O Amang ulang ma padiar Au mamolus partinaonan on!’ Hape nian laho manaon partinaonan on do umbaen na ro Au.

JOHANNES 12:28

Pasangap ma goarMu da Amang!” Dung i tarbege ma sora sian langit na mandok, “Madung Hupasangap i tapi pasangaponKu dope i mangulahi.”

1 KORINTUS 2:10

Hape madung dipaboa Debata tu hita sangkapNia i markite-hite TondiNia. Didodo Tondi i do sasude, lopus tu angka na buni na dibagasan Debata.