MATEUS 10:19 - BIBEL JAMITA NA DENGGAN

¹⁹ Tapi muda dioban hamu anso niadilan, ulang sak rohamunu taringot tu hata sidohononmunu sanga taringot tu pangkataimunu bagi na tarbia. Harana, sanga aha pe na giot sidokkononmunu disi, jolo paboaon do i tu hamu.

MATEUS 10:19 Referans Kwoze

HARURUAR 4:12

Saonnari, kehe ma ho, Au do manolong dohot mangajari ho sanga aha pe sidokkononmu.”

2 TIMOTEUS 4:17

Tapi madung didongani Tuhan au disi. Dipargogoi Ia do au, gabe margogo au manjamitahon Jamita i sudena anso laing dibege sudena angka halak na so Jahudi. Jana malua do au sian baba ni singa.

LUKAS 12:11

Muda dioban hamu tu angka bagas paribadatan anso diuhumi di jolo ni pamarenta sanga parkuaso, ulang ma humolos rohamunu taringot tu alusmunu, sanga pe taringot tu hata sidokkononmunu,

HARURUAR 4:15

Manghobari ma ho dohot ia, paboa ma tusia aha sidokkononnia. Huurupi pe hamu na dua jana Huajari pe mandok sanga aha sidohononmunu dohot sibaenonmunu.

JAKOBUS 1:5

Muda adong sanga ise sian hamu na hurang marroha, dipangido ia ma habisuhon sian Debata, gabe lehenon ni Debata ma disia habisuhon. Angke tu ganop halak do Debata mangalehen jana mardongan ibo ni roha.

MATEUS 6:31

Ulang ma lomos rohamunu! Jana ulang ma dokkon hamu, ‘Aha ma naron panganonnami’, sanga, ‘Aha ma naron inumonnami’, sanga, ‘Aha ma naron pakeannami?’

MATEUS 6:25

Hara ni i, Hudok ma tu hamu! Ulang pola sak rohamunu taringot tu ngolumunu. Sanga aha ma panganon dohot inumonmunu, jala ulang pola sak rohamunu taringot tu pamatangmunu, sanga aha sipakeonmunu. Inda he ummarga hosa sian panganon? Inda he ummarga pamatang sian pakean?

PILIPPI 4:6

Ulang pola holoskon hamu sanga na aha. Sanga dia pe na masa, martangiang ma hamu jana pasahat hamu ma pangidoanmunu tu Debata. Sanga aha na porlu di hamu, paboa hamu ma i tongtong tu Debata mardongan roha na mandok tarimakasi.

BAENON NI ANGKA RASUL 6:10

Tapi nada tarsoadahon halahi sanga aha na nidok ni si Stefanus i, harana madung dilehen Tondi Parbadia disia hamaloan mandok hata.

JEREMIA 1:9

Dung i disurduhon Tuhan ma tanganNia jana dijama Ia ma pamanganku lalu didok Ia, “Satutuna, madung Hubaen hatangKu tu bagasan pamanganmu.

JEREMIA 1:7

Tapi dialusi Tuhan ma, “Ulang dokkon maposotu dope Au. Muda Husuru ho tu sada bangso, angkon kehe ho jana sandok na Husuru dokkononmu angkon palaluonmu do i tu halahi.

MATEUS 6:34

Hara ni i ulang pola lomos rohamunu taringot tu ancogot, angke disarihon ari ancogot i do na hasaya disia. Marsiporsan hasusaanna be do angka ari i.”

MATEUS 10:18

Boanon ni halahi ma hamu tu jolo ni angka parkuaso dohot tu jolo ni raja-raja hara ni na mangihutkon Au. Jana i ma hatiha hadenggananna di hamu laho manyaksihon Au tu halahi dohot tu halak na so mananda Debata dope.

LUKAS 12:12

angke ajaran ni Tondi Parbadia do hamu sanga aha sidokkononmunu di hatiha i.”