MATEUS 1:25 - BIBEL JAMITA NA DENGGAN

²⁵ Tapi salolot di pamatang ni si Maria Dakdanak i, inda unjung rap modom si Josep dohot si Maria. Jadi dung sorang Dakdanak i, dibaen si Josep ma goarna Jesus.

MATEUS 1:25 Referans Kwoze

LUKAS 2:21

Dung marumur salapan ari, angkon nisunat ma Dakdanak i. Dibaen halahi ma goarNia Jesus, i ma goar na nilehen ni surusuruan tuSia dompak so di kandungan dope Ia.

LUKAS 2:7

Ditubuhon ia ma sada Anak halaklahi, i ma panggoarannia. Dibalut ia ma Dakdanak i dohot lampin, dipayakkon ia di palangka ni pahan-pahanan, angke nada dapotan inganan be halahi di parbornginan.

MATEUS 1:21

Sorang ma sian ia sada anak halaklahi, angkon Jesus do baenonmu goar ni Dakdanak i. Harana, giot paluaonNia ma bangsoNa sian angka dosa ni halahi be.”

HARURUAR 22:29

Haulkon ma tu Au deba sian suha ni ememu, sian aek ni anggurmu, sian miak ni zetunmu muda mandapot hasil hamu. Pasahat ma tu Au angka dakdanakmunu siangkaan.

HARURUAR 13:2

“Haulkon ma tu Au sude anak halaklahi siangkaan. Ganop anak halaklahi siangkaan di halak Israel dohot sandok pahan-pahanan jantan na parjolo sorang, Au do nampunasa.”

SURAT NI SI PAULUS TU PARLAGUTAN ROM 8:29

Angka na nipiliNia, madung ditontuhon muse do halahi sian mulana anso sarupa songon tiruan ni AnakNia, anso Anak i ma gabe siangkaan ni bahat kahanggi.

MATEUS 1:24

Dung ngot si Josep, dipatulus ia ma na nidok ni surusuruan ni Tuhan tusia. Dibuat ia ma si Maria gabe dadaborunia.

LUKAS 1:31

Denggan ma pamatangmu jana sorang ma sada anakmu, jana angkon Jesus do baenonmu goarNa.

2 SAMUEL 6:23

Nada mardakdanak anggo si Mikal boru ni si Saul i salolot ngolunia.