MATEUS 1:12 - BIBEL JAMITA NA DENGGAN

¹² Sian hatiha habuangan ni bangso Israel tu Babel lopus tu hasosorang ni Jesus dapot ma angka goar na di toru on: Si Jekhonya, si Sealtiel, si Zerubabel,

MATEUS 1:12 Referans Kwoze

1 JUJUR TAON 3:17

Angka on ma pomparan ni si Joyakin raja na hona taban dibaen halak Babel. Adong do pitu anaknia, i ma si Sealtiel,

ESRA 3:2

dung i dibangun si Jesua anak ni si Jehosadak dohot angka donganna dohot si Zerubabel anak ni si Sealtiel maradu kahanggina ma langgatan ni Debata ni Israel. Jadi hara ni i, tarbaen halahi ma manutung haul di ginjangna i, domu tu angka panogu-noguon na tarsurat di bagasan Buku Uhum Ni si Musa, naposo ni Debata.

LUKAS 3:27

anak ni si Johanan, anak ni si Resa, anak ni si Zerubabel, anak ni si Sealtiel, anak ni si Neri,

HAGAI 1:14

Jadi disungguli Tuhan ma tondi ni si Zerubabel, anak ni si Sealtiel pangarajai ni Juda dohot tondi ni Malim Godang Josua, anak ni si Josadak maradu sude tondi ni bangso i, gabe marroan ma halahi mangaradoti karejo di bagas ni Tuhan Na Markuaso, Debata ni halahi i.

HAGAI 2:23

Di ari i, ale Zerubabel, naposongKu, angkatonKu ma ho laho mamarenta markite-hite goarKu. Angke ho do na Hupili.” Madung didok Tuhan Na Markuaso i songon i.

HAGAI 2:2

dokkon ma tu si Zerubabel anak ni si Sealtiel, na mamarenta Juda dohot tu Malim Godang Josua anak ni si Josadak dohot tu sude bangso i songon on,

HAGAI 1:12

Dung i ditangihon si Zerubabel, anak ni si Sealtiel dohot Malim Godang Josua, anak ni si Josadak maradu sude halak Israel ma sora ni Tuhan Debata ni halahi, ditangihon muse dohot hata ni Panurirang Hagai, hombar tu sora ni Tuhan Debata ni halahi tusia, jadi mabiar ma bangso i maradopkon Tuhan.

HAGAI 1:1

Di taon paduahon dung bangkit Raja Darius, di ari parjolo di bulan paonomkon, ro ma hata ni Tuhan marhite Panurirang Hagai. Tu si Zerubabel, anak ni si Sealtiel pangarajai di Juda, dohot tu Malim Godang Josua anak ni si Josadak, na mandok,

JEREMIA 22:28

“Adong he na dung gabe songon hudon tano na matapor do Raja Joyakin, na niambungkon jana na so tarpake be? Hara ni i dehe umbaen na dipaorot jana dibuang ia dohot dakdanaknia tu luat na so nitanda ni halahi?”

JEREMIA 22:24

Didok Tuhan ma tu Raja Joyakin, anak ni si Joyakim raja ni Juda, “Mangasahon Au Debata na mangolu, Huondolkon ma, haru pe di Au tudos tu tintin sitempel ho di tangan siamunKu, angkon buatonKu do ho

NEHEMIA 12:1

Angka on ma malim dohot halak Levi na mulak sian habuangan rap dohot si Zerubabel anak ni si Sealtiel dohot Malim Godang Jesua, si Seraya, si Jeremia, si Esra.

ESRA 5:2

Umbege tona ni panurirang na dua i, manigor dipungka si Zerubabel anak ni si Sealtiel ma dohot si Josua anak ni si Zosadak mangulahi mambangun Bagas Ni Tuhan na di Jerusalem, diurupi panurirang sidua halak i.

2 RAJA-RAJA 25:27

Di tanggal dua pulu pitu bulan dua bolas taon patolu pulu pituhon dung hona oban si Joyakin tu habuangan, si Ewil Merodak noma gabe raja di Babel. Laing di bagasan taon i manigor dipatuduhon ia ma ibo ni rohania tu si Joyakin, jana dipalua ma ia sian hurungan,

2 RAJA-RAJA 24:14

Raja Joyakin, angka dadaborunia, inangnia dohot angka pagawe ni bagas godangnia ditaban si Nebukadnesar ma i sudena jana dioban tu Babel. Pitu ribu halak angka na malo, saribu halak parkarejo na malo, masuk ma disi angka pande bosi, dohot hona oban; angka halak na malo marporang do i sudena. Sudena na nioban tu habuangan i, dohot ma disi bagian parbagas godang dohot angka halak na pistar, adong ma hira-hira sampulu ribu halak sudena. Hampir do sude halak na mangingani Jerusalem dioban tu habuangan i. Hum angka rayat na umpogos ma na tading.

JEREMIA 22:30

“Na dung ditontuhon do jolma i agoan angka dakdanakna jana sai lus di bagasan ngoluna. Sian pomparanna nada adong na marhasil mamarenta di Juda songon raja sian pomparan ni si Daud. Au Tuhan, madung mandok songon i.”

MATEUS 1:11

si Jekhonya dohot angka kahanggina.

MATEUS 1:13

si Abihud, si Elyakim,

MATEUS 1:17

Jadi mamungka sian si Abraham lopus tu si Daud, adong ma opat bolas sundut. Sian si Daud lopus tu hatiha na tarbuang halak Israel tu Babel, opat bolas sundut muse. Jana sian habuangan ni halak Israel tu Babel lopus tu hasosorang ni Kristus, laing opat bolas sundut.