MATEUS 1:11 - BIBEL JAMITA NA DENGGAN

¹¹ si Jekhonya dohot angka kahanggina.

MATEUS 1:11 Referans Kwoze

DANIEL 1:2

Dipaloas Tuhan do ia manaluhon Raja Joyakim dohot mangarampas deba sian angka barang sigodang arga na di Bagas Ni Tuhan. Angka halak na nitabannia, dioban ia ma i tu bagas parsombaan ni debatana di Babel jana angka barang-barang na nirampasnia i disimpan ia ma i di bagasan bagas parsombaan i.

JEREMIA 39:9

Ujungna angka rayat na tinggal dope di kota i dohot angka halak na dung sanga lari tu pihak ni halak Babel, dioban si Nebusaradan komandan ni tentara ni Babel i ma halahi tu Babel.

2 JUJUR TAON 36:20

Rayat na malua, dioban ia tu Babel. Gabe hatobannia ma disi halahi jana hatoban ni pomparannia lopus tu hatiha ni harajaan Persia markuaso.

2 JUJUR TAON 36:10

Di pargontian ni taon, dioban si Nebukadnesar ma si Joyakin tu Babel gabe tahanan, jana dohot do angka barang sigodang arga na adong di Bagas Ni Tuhan dioban ia muse. Dung i diangkat si Nebukadnesar ma si Zedekia angkang ni si Joyakin gabe raja di Juda dohot di Jerusalem.

2 RAJA-RAJA 25:11

Dung i dioban si Nebusaradan muse ma tu Babel angka jolma na tinggal di Jerusalem, i ma teba-teba ni halak na malo dohot angka halak na dung marbalik tu pihak ni Babel.

2 RAJA-RAJA 23:31

Marumur dua pulu tolu taon ma si Joahas di na gabe raja ia di Juda, jana tolu bulan do honokna mamarenta ia di Jerusalem. Si Hamutal do goar ni inangnia boru ni si Jeremia sian kota Libna.

2 RAJA-RAJA 24:14

Raja Joyakin, angka dadaborunia, inangnia dohot angka pagawe ni bagas godangnia ditaban si Nebukadnesar ma i sudena jana dioban tu Babel. Pitu ribu halak angka na malo, saribu halak parkarejo na malo, masuk ma disi angka pande bosi, dohot hona oban; angka halak na malo marporang do i sudena. Sudena na nioban tu habuangan i, dohot ma disi bagian parbagas godang dohot angka halak na pistar, adong ma hira-hira sampulu ribu halak sudena. Hampir do sude halak na mangingani Jerusalem dioban tu habuangan i. Hum angka rayat na umpogos ma na tading.

JESAYA 13:1

On ma tona ni Debata na nijagit ni si Jesaya anak ni si Amos, taringot tu Babel:

MATEUS 1:12

Sian hatiha habuangan ni bangso Israel tu Babel lopus tu hasosorang ni Jesus dapot ma angka goar na di toru on: Si Jekhonya, si Sealtiel, si Zerubabel,

MATEUS 1:17

Jadi mamungka sian si Abraham lopus tu si Daud, adong ma opat bolas sundut. Sian si Daud lopus tu hatiha na tarbuang halak Israel tu Babel, opat bolas sundut muse. Jana sian habuangan ni halak Israel tu Babel lopus tu hasosorang ni Kristus, laing opat bolas sundut.