MASMUR 99:8 - BIBEL JAMITA NA DENGGAN

⁸ Ale Tuhan Debatanami, Debata na sai mangampuni do Ho. Uhumi ma bangsoMi hara ni hasalaan ni halahi, hape tangiang ni halahi laing dialusi Ho muse.

MASMUR 99:8 Referans Kwoze

BILANGAN 20:12

Dung i mangkuling ma Tuhan tu si Musa dohot tu si Harun, ninna ma, “Hara ni naso porsaya hamu di hatangKu jana ganggu hamu patidahon kuasongKu na badia i di jolo ni halak Israel, gabe nada hamu be maroban halahi tu tano na Hujanjihon tu halahi.”

MASMUR 89:33

Tapi anggo si Daud hot do holong ni rohangKu tusi, janjingKu na tusia sai na patulusonKu do i.

JEREMIA 46:28

Jadi ulang be hamu mabiar, ale bangsongKu, ro noma Au laho paluahon hamu. Giot timpaskononKu noma angka bangso ingananmunu Huparserak, tapi anggo tu hamu nada baenonKu songon i. Tutu nian anggo hara ni hasalaan na nibaenmunu angkon manjagit uhuman do hamu, tapi nada pola uhuman na mahancittu. Au Tuhan, madung mandok songon i.”

PARJAMITA 7:29

Hum on ma na dapot au: Nada marlobian jana songon somalna do hita dijadihon Debata. Tapi hita saonnari do na mambaen hita rundut jana maralit-alit.

SURAT NI SI PAULUS TU PARLAGUTAN ROM 1:21

Ditanda jolma do nian Debata, hape nada ra jolma i pasangapkon Ia songon Debata, jana nada ra halahi mandok tarimakasi tuSia. Tu angka na so marguna do dipikiri halahi; gabe manggolap ma roha ni halahi.

ZEPANYA 3:7

Ning rohangKu ma, “Anggo saonnari pasti pasangapan ni bangsongKi ma Au, jana tangihononna sandok sipaingotKu. Hapengani, mur tu jotjotna do halahi mambaen jahat martimbangkon na salpu.

PANGARATAION 3:26

Tapi hara ni hamu ma umbaen muruk Tuhan tu au lopus nada ra Ia mangoloi pangidoanki. Mur didok Tuhan noma tu au, ‘Tuk ma i da Musa ulang pupu be manaringoti i!

BILANGAN 20:24

“Nada dohot be si Harun masuk tu tano na dung Hujanjihon tu halak Israel, angkon mate noma ia, dibaen dialo hamu na dua parentangKu di Meriba.

HARURUAR 32:2

Dialusi si Harun ma tu halahi, “Buat hamu ma anting-anting na di pinggol ni angka dadaborumunu, dakdanakmunu dohot anting-anting ni borumunu jana obani hamu ma tu au.”

HARURUAR 34:7

Hupatulus do baga-bagangKu tu marribu-ribu sundut jana Huampuni do hajahatan dohot dosa i tapi nada lalap boti Au manguhumi parjahat bope dakdanak dohot pahompumunu lopus tu sundut patoluhon dohot paopatkon hara ni dosa ni simatobang ni halahi.”

2 SAMUEL 12:14

Tapi dibaen madung sanga layas Tuhan dibaen raja i hara ni pangalaho i, gabe mate do anak ni raja na sorang i.”

MASMUR 78:38

Hape dihasiani jana diampuni Ia do bangsoNia i jana nada dipatimpas Ia halahi. Marpupu do diorom Ia murukNia, jana nada dipagurgur Ia rimasNia.