MASMUR 99:4 - BIBEL JAMITA NA DENGGAN

⁴ Raja na marsahala, dihaholongi Ho do na tutu, madung dihajongjongkon Ho do hatutuan. Uhum dohot hatigoran didalankon Ho di tonga-tonga ni pomparan ni si Jakob.

MASMUR 99:4 Referans Kwoze

MASMUR 11:7

Angke tigor do Tuhan, dihalunguni Ia do halak na mambaen hatigoran. Halak na tigor, diida jana ditanda halahi do Tuhan.

HALUMBAAN 19:16

Tarsurat do di baju jubaNia dohot di hae-haeNia i goar on, “Raja ni sasude raja jana Tuan ni sude tuan.”

JEREMIA 23:5

Didok Tuhan ma, “Dapot do i hatihana, patubuonKu ma di pomparan ni si Daud sada tunas na tigor. Marhite bisuk mamarenta raja i, jana patulusonna hatigoran dohot hatutuan di sandok luat.

JESAYA 9:7

Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni Tuhan Na Markuaso i.

JOB 37:23

Na godang ma da kuaso ni Debatanta, nada sanggup iba mandonohisa, markuaso jana tigor do Ia sapanjangna; na so jungada do dihapit hita jolma.

PANGARATAION 10:18

Dibela Ia do hak ni na tinggal menek dohot na mabalu, anso dibaen tu halahi uhum na tigor; dihaholongi Ia do halak na asing na tinggal rap dohot hita jana dilehen Ia pakean dohot sipanganon di halahi.

HALUMBAAN 19:11

Dung i huida ma mungkap banua ginjang, haruar ma sada kudo na bontar, jana na juguk di ginjangna i margoar, “Na Setia dohot Na Sintong,” jana markite-hite hatigoran do Ia manguhumi dohot marporang.

JUDAS 1:15

laho manguhumi halak sudena. Dabuhonon ni Tuhan ma uhuman hara ni angka pambaenan ni angka jolma na so porsaya tuSia. Jana laing dabuhononNia ma uhuman hara ni sudena angka hata pangincahion na nipardokkonan ni angka halak pardosa na jahat tuSia!”

JESAYA 61:11

Songon same na nisabur tubu ma i jana gabe suan-suanan, songon i ma Tuhan Debata paluahon bangsoNia jana sandok bangso ma giot mamuji Ia.”

JESAYA 42:4

Nada mose ia sanga malapat, lopus dipajongjong ia tona di tano on; sude pulo manghalungunkon pangajaranna.”

MASMUR 98:9

Angke na ro do Ia laho manguhumi tano on; marhite hatigoran diadili Ia angka bangso.