MASMUR 98:5 - BIBEL JAMITA NA DENGGAN

⁵ Puji hamu ma Tuhan mardongan hasapi, mardongan hasapi dohot angka ende na jeges-jeges.

MASMUR 98:5 Referans Kwoze

JESAYA 51:3

Angke apoan ni Tuhan ma Sion, mangapoi sude hasesegona. Dibaen Ia do halongonan i songon kobun Eden jana padang-padangna songon kobun ni Tuhan. Disi ma adong jop ni roha, ende hatarimakasion dohot logu na gogo.

MASMUR 33:2

Dok ma tarimakasi tu Tuhan mardongan hasapi, marende ma diSia mardongan sora ni musik.

HALUMBAAN 5:8

Jadi taran songon i dope, manungkap ma mahluk na opat i dohot pangituai sidua pulu opat halak i di joloNia. Marsitiop hasapina do pangituai na dua pulu opat halak i dohot mangkuk sere na marisi hamonyan, i ma angka tangiang ni halak na badia.

2 JUJUR TAON 29:25

Hombar tu panogu-noguon na nilehen ni Tuhan tu si Daud marhite si Gad, panurirangNia dohot Panurirang Natan, dibaen raja i ma halak Levi di Bagas Ni Debata laho mamiltik hasapi dohot gambus,

1 JUJUR TAON 15:16

Laing disuru si Daud muse ma angka pamimpin ni halak Levi i anso didok halahi sanga na piga-piga halak sian marga ni halahi laho marende na marlogu jop ni roha mamake hasapi dohot simbal.

1 JUJUR TAON 15:28

Diudurkon halak Israel ma sude Poti Parjanjian i lalu tu Jerusalem marsurak-surak marmoga-moga, dohot sora ni sarune, suling, simbal dohot hasapi.

MASMUR 71:22

Pujionku ma Ho marhite hasapi, ale Debatangku, hupuji Ho, dibaen sai denggan rohaMu mida au. Mardongan sora ni hasapi endehononku ma pujian di Ho, ale Na Badia ni Israel.

MASMUR 147:7

Marsialus-alusan ma hamu marende puji-pujian tu Tuhan, marende ma hamu mardongan sora ni hasapi di Debatanta.