MASMUR 98:1 - BIBEL JAMITA NA DENGGAN

¹ Endehon hamu ma ende na imbaru di Tuhan, angke hahomangan situtu do pambaenanNia. Marhite kuaso dohot hagogoonNia sandiri dapot Ia do hamonangan.

MASMUR 98:1 Referans Kwoze

HARURUAR 15:6

Tangan siamunMi ale Tuhan, tung na so tarpatudos hagogoanna, tangan siamunMi ale Tuhan mangaropuk angka musu.

JESAYA 52:10

Patuduhonon ni Tuhan ma tanganNia na badia i di adopan ni sandok bangso, jadi sandok ujung ni portibi manyaksihon na ro Tuhan paluahon.

HALUMBAAN 14:3

Di jolo ni habangsa i dohot mahluk na opat i dohot di angka pamimpin na humaliang habangsa i diendehon angka halak si 144.000 i ma sada ende na imbaru. Nada tarparsiajari sanga ise pe ende i asing sian halak na 144.000 i. Angka halak na nipalua do halahi sian tano on.

MASMUR 96:1

Endehon ma logu na imbaru di Tuhan! O hamu portibi sudena, marende ma hamu di Tuhan.

MASMUR 33:3

Endehon ma ende na imbaru di Tuhan, denggan baen pamiltik ni hasapi i, jana marsurak ma marjop ni roha!

MASMUR 96:3

Caritohon hamu ma tu angka bangso hagodanganNia, paboa ma angka hahomangan na nibaenNia tu sude jolma manusia.

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.

KOLOSSE 2:15

Sude angka tondi na mamarenta dohot na markuaso gabe gale noma di parsilang ni Kristus i. Gabe sitontonan ni halak na bahat noma halahi dibaen, di na niiring ni Kristus halahi songon halak na tartaban di uduran ni hamonanganNia.

JOHANNES 16:33

Hudok pe i sudena anso marhasonangan do hamu harana di bagasan Au do hamu. Marhancit ma hamu baenon ni portibi on. Tapi sobar ma hamu! Madung Hutaluhon portibi on!”

HALUMBAAN 3:21

Di na monang i ma lehenonKu anso juguk ia rap dohot Au di habangsangKi, laing songon Au na monang jana na juguk rap dohot Damang di habangsaNia i.

BAENON NI ANGKA RASUL 2:11

adong angka halak Jahudi jana adong do bangso na asing na dung gabe masuk Jahudi; adong muse do halak Kreta dohot halak Arab. Di bagasan hatanta be do tabege halahi mandok hata taringot tu angka hahomangan na nibaen ni Debata!”

LUKAS 1:49

hara ni Na Markuaso i, na dung mambaen angka pangalaho na godang tu au. Na Badia do goarNa.

JEREMIA 31:22

Sadia honok nari sai torus ganggu ho, ale dakdanak dadaboru na so setia tu Au? Madung Hutompa na imbaru di tano on, dadaboru mangondingi halaklahi.”

JESAYA 63:5

Hujalahi do, hape nada adong na mangurupi Au, longang rohangKu nada adong na mambantu. HamumurukKu parohon gogo di Au, sasada Au, dapot Au do hamonangan.

JESAYA 42:10

Endehon ma logu na imbaru di Tuhan, jana puji ma Ia sian sude parsuhi ni tano on. Gumadobur ma laut maradu sude isina, dohot angka pulo rap dohot sandok na manginganisa.

MASMUR 149:1

Endehon ma ende na imbaru di Tuhan, puji ma Ia di tonga-tonga ni parluhutan ni bangsoNia!

HARURUAR 15:11

Tuhan, ise ma sian angka debata sileban na tudos dohot Ho? Di sangap dohot di habadiaan, ise manyalpui Ho? Ise tarbaen patupa angka hahomangan dohot angka karejo na godang songon na binaenMu?

JESAYA 59:16

Longang Ia marnida na so adong be halak mangurupi na niparkancitan. Gabe pakeonNia noma kuasoNia sandiri laho paluahon halahi jana lehenonNia hamonangan di halahi.

MASMUR 139:14

Hupuji ma Ho, angke hahomangan situtu do na dibaenMu tu au, sude pambaenanMu hahomangan do jana patut gabe halongangan,

MASMUR 136:4

Hum Ia do na mambaen angka hahomangan godang, hot do holong ni rohaNia sapanjangna.

MASMUR 105:5

O ale pomparan ni si Abraham, naposo ni Debata dohot pomparan ni si Jakob, bangso na nipiliNia, ingot hamu ma sude hahomangan na nibaenNia, ulang halupahon hamu angka uhum ni Debata.

MASMUR 86:10

Dibaen na sangap do Ho, hahomangan do karejoMu, hum Ho do Debata.

MASMUR 77:14

Ho do Debata na patupahon hahomangan, dipatangkas Ho do kuasoMu di tonga-tonga ni angka bangso.

PAMUNGKAAN 3:15

Marsihosoman ma ho dohot dadaboru i. Marsalisi ma torus pomparanna tu pomparanmu. Ropukkonon ni pomparannia ma ulumu jana turbingonmu ma tambihulna.”

HALUMBAAN 17:14

Na giot marporang do halahi mangalo Anak Ni Biri-biri i. Tapi taluhonon ni Anak Ni Biri-biri i ma halahi, angke Ia do Tuhan ni angka tuan jana Raja ni angka raja. Dung i monang ma na rap dohot Ia, i ma angka na nipiohon dohot na nipili dohot na setia.”

BAENON NI ANGKA RASUL 19:20

Angka songon i ma pardalanna gabe mur rarat hata ni Tuhan i jana mur markuaso.

HALUMBAAN 6:2

Jadi hupamanat ma, gabe huida ma sada kudo na bontar. Ditiop na manengget kudo i do sada sior jana dilehen ma tusia sada tuku. Ruar ma ia songon sada halak parmonang, na maju laho mambuat hamonangan i.

JOB 40:9

Gogo ma he ho songon Au? Tarbaen ma he mangaronggur soramu songon sorangKu?

MASMUR 72:18

Puji ma Tuhan ni Israel! Hum Ia do na patupahon pangalaho na godang.

MASMUR 89:14

Hatigoran dohot hajujuron do ojahan ni harajaanMu, torang do huida holong dohot habonaron di sude na nibaenMu.

JESAYA 12:5

Marende ma hamu di Tuhan, angke antong bahat do dibaen Ia hahomangan. Anso sude na satano on umbege taringot tu pambaenanNia.