MASMUR 97:9 - BIBEL JAMITA NA DENGGAN

⁹ Dirajai Tuhan Na Gumincat i do sude tano on na tongam do Ia mangalobii angka debata.

MASMUR 97:9 Referans Kwoze

MASMUR 95:3

Angke Debata na godang do Tuhan, raja na marsahala mangatasi sandok debata.

MASMUR 83:18

Anso diboto halahi hum Ho do Tuhan Na Gumincat, Tuhan, na mangarajai sandok portibi.

HARURUAR 18:11

Saonnari madung huboto, gumodang do hape Tuhan i sian sandok debata, harana di hatiha di hasombongan ni halak Mesir maradopkon halak Israel do dibaen Tuhan sudena on.”

JEREMIA 10:10

Hape Ho do ale Tuhan, Debata na tutu, Raja na Hot, Debata Silehen ngolu. Muda jabat muruk Ho, gumalusak do tano, muda tarrimas Ho nada manahan angka bangso. (

MASMUR 135:5

Huboto do tangkas, na santak godang do Tuhanta diatasi Ia do sandok debata.

EPESUS 1:21

Dao dope gumincat pangkat ni Kristus i, sian pangkat ni sasudena pamarenta, sian sasude na markuaso, sian sude pamimpin, sian sude angka tuan dohot sian sanga ise pe na dung maruli pangkat na gincat; na adong di hatiha on sanga di hatiha na giot ro.

MASMUR 96:4

Angke na godang do Tuhan jana na tarpuji situtu do Ia, manyalpui sude debata patut dilehen sangap tuSia.

JEREMIA 10:8

Sude halahi oto jana bodo angke sombaonna hum hayu sajo do, nada tarajarkonsa na marguna.

1 JUJUR TAON 17:20

Nada adong na mardonok tu Ho, jana sian narobi do hami boto hum Ho do Debata.

MASMUR 92:9

Hami boto do na giot timpaskonon musuMu, ale Tuhan, sude halak na jahat giot dipasarsar.

MASMUR 136:2

Dok ma tarimakasi tu Debata ni sandok debata, hot do holong ni rohaNia sapanjangna.

JESAYA 33:5

Sangap situtu ma da antong Tuhan! Angke Ia do na mangarajai. BaenonNia ma hasintongan dohot hatigoran manggohi Jerusalem