MASMUR 97:3 - BIBEL JAMITA NA DENGGAN

³ Mangararati api di joloNia, abis marmosokan, musu na humaliang Ia.

MASMUR 97:3 Referans Kwoze

MASMUR 50:3

Na ro ma Debatanta, nada be so sajo Ia, dijoloani api na marjilam-jilam do Ia, jana dihaliangi habahaba na gogo.

MASMUR 18:8

Haruar timus sian lubang ni igungNa, api dohot banggar haruar sian pamanganNa.

IBRANI 12:29

Angke songon api na mangabiskon do tutu anggo Debatanta i.

2 TESSALONIKA 1:8

bope dohot api na marnyala-nyala. Laho manguhumi halak na so mananda Debata, dohot angka na so mangoloi Jamita Na Denggan taringot tu Jesus Tuhanta i do umbaen na mijur Ia.

MALEAKI 4:1

Didok Tuhan Na Markuaso i ma, “Dapot do i arina, sude halak siginjang roha dohot na jahat surbuon ma i songon durame. Di ari i, abis ma halahi surbuon, jana nada adong be na tinggal sian halahi.

DANIEL 7:10

Ruar ma sada batang aek api, jana mamolus sian adopanNia; saribu noli marribu-ribu angka na mangoloi Ia, jana bahat sajo do jolma jongjong di joloNia. Dung i juguk ma angka Panguhum jana diungkap ma Angka Buku.

PANGARATAION 32:22

Mamulatak ma murukKu songon api na mangabiskon sasude na di portibi. Api na rarat lalu tu taruma ni tano i manutung dolok lalu tu angka uratna i.

HABAKUK 3:5

Disuru Ho do nyae mardalan di joloMu jana ihut ma hamatean di pudiMu.

HALUMBAAN 11:5

Muda adong halak na mancubo-cubo mambaen na jahat tu halahi, gabe ruar ma api sian pamangan ni halahi laho mangaluntak angka musu ni halahi i. Jadi songon i ma dalanna gabe tarbunu sude sanga ise na giot mambaen susa tu halahi.

PANGARATAION 5:4

Mangkobari do Tuhan di ginjang ni dolok i sian api paadop-adop dohot hamu.

PANGARATAION 4:36

Sian langit, dipatubegehon Ia do soraNia tu hamu laho mangajari hamu; di tano on, madung dipatidahon Ia tu hamu apiNia na badia, jana sian api i pe mangkobari do Ia tu hamu.

PANGARATAION 4:11

Baritahon hamu ma tu angka dakdanakmunu sanga songon dia parromunu lalu jongjong di pangkal ni dolok i na nitutupan ni timus na manggolap songon ombun na manyorop dohot api na gara-gara lalu tu langit.

HALUMBAAN 20:15

Sanga ise halak na so adong goarna tarsurat di bagasan buku hangoluan i, diambungkon ma tu bagasan laut api i.

MASMUR 18:9

Dibola Ia langit dung i mijur ma Ia, dohot ombun na golap di toru ni patNa.

JEHESKIEL 1:4

Hupadorgak ma jana huida halingsungsung na mangombus sian Utara. Ruar ma hilap na sumiksak sian sangkimpal ombun nalobi godang, jana gabe torang sajo ma langit na humaliang i dibaensa. Di bagasan hilap na mamincar-mincar i tarida ma na marsinondang songon tumbaga.