Biblia Todo Logo
Bib sou entènèt

- Piblisite -




MASMUR 97:11 - BIBEL JAMITA NA DENGGAN

11 Halak na tigor ditorangi sinondang, halak na jujur gok jop ni roha.

Gade chapit la Kopi




MASMUR 97:11
17 Referans Kwoze  

Songon sinondang do Au di na ro tu portibi on, anso sude halak na porsaya tu Au ulang be tinggal di na golap.


Songon parbincar ni mataniari do anggo dalan na nibolus ni halak na denggan; mur lolot mur torang, jana ujungna ari pe gabe torang sajo.


Mardohar ma ho di sude karejomu, jana sondangan ni na torang ma dalanmu.


Marsinondang ma na torang di bagasan hagolapan, di halak na burju, na tigor, parholong dohot paribo.


Nada pola porlu sondangan ni mataniari sanga bulan kota i, angke sinondang ni Debata do manyondangisa jana Anak Ni Biri-biri i ma lampuna.


Muda disuan halak sanga aha hombar tu bakona humani na jat i, angkon sabionna ma hamamago sian bakonia i. Tapi muda marguru tu panogu-noguon ni Tondi Parbadia ia manyuan, sabionnia ma ngolu na so mantak sian Tondi Parbadia.


Ho do hatiuranku, ale Tuhan Debatangku, Ho do na markuaso di hagolapanku.


Dabu jana sonang ma roha ni halak Jahudi, marmoga-moga jana margodang ni roha.


Nada porlu be di halahi lampu sanga sinondang ni mataniari, angke nada adong be ro borngin disi boti hara ni na nisondangan ni Tuhan Debata do halahi. Gabe mamarenta ma halahi songon raja ro di salolot-lolotna.


Madung mardosa au tu Tuhan, hara ni i angkon taononku rimasNia. Tapi nada sadia honok nari, ampinanNia ma au jana lehenonNia hatigoran tu au. ObanonNia noma au haruar tu na torang; rasoanku sandiri ma sanga songon dia baenonNia paluahon hita.


Hara ni Sion au giot mandok hata, hara ni Jerusalem giot torus au marusaho lopus torang marsinondang hamonangannia, jana haluaannia songon obor di borngin ni ari.


Tumorang ma ngolumu sian tingki ni arian, jana na gumolap di ari ni ngolumu gabe songon mataniari bincar marsinondang.


Marende ma hamu di Debata, puji ma goarNia, parade ma dalan diSia na markareta ombun. Tuhan do goarNia, marolop-olop ma di joloNia.


Jadi marsinondang ma hatiuranmu songon mataniari bincar, jana angka gasamunu pe manigor malum ma. Hasintongan ma mardalan di jolomunu jana hasangapan ni Tuhan mangihut di pudimunu baen haluaanmunu.


Swiv nou:

Piblisite


Piblisite