MASMUR 97:10 - BIBEL JAMITA NA DENGGAN

¹⁰ O hamu angka na manghaholongi Tuhan, hagigihon hamu ma hajahatan. Dibaen diondihon Tuhan do ngolu ni bangsoNa, dipalua Ia halahi sian kuaso ni halak na so hasaya.

MASMUR 97:10 Referans Kwoze

PODA 8:13

Biar mida Tuhan dos do i dohot na magigi mida hajahatan; nada huhagioti ginjang ni roha dohot hagakgakan. Goyak do rohangku mida pangalaho hajahatan, dohot hata-hata na mambaen haliluan.

SURAT NI SI PAULUS TU PARLAGUTAN ROM 12:9

Ulang mangalancap-lancap holong ni roha i! Magigi ma hamu mida na jahat, parayak hamu ma na denggan.

MASMUR 145:20

Dilinggomi Ia do ganop halak na manghaholongi Ia, tapi anggo parjahat dipusa Ia.

MASMUR 34:14

Padao ma ho sian na jahat, patulus ma na denggan, gogoi ma parayakkon hadamean.

JEREMIA 15:21

PaluaonKu do ho sian kuaso ni angka jolma na jahat jana na kejam. Au Tuhan, madung mandok songon i.”

AMOS 5:15

Hagigihon hamu ma na jahat, haholongi hamu ma na denggan, jana hajongjongkon hamu ma na tigor. Betak na ibo do roha ni Tuhan di angka jolma na teba i sian pomparan ni si Josep.

DANIEL 3:28

Jadi didok raja i ma, “Puji ma Debata na nisomba ni si Sadrakh, si Mesakh dohot si Abednego. Disuru Ia do surusuruanNia laho paluahon naposoNa na tolu on na porsaya tuSia. Dilaosi halahi do parentangku jana gumonan mate ulang pado marsomba sanga mangoloi tu debata sanga na dia pe asing sian Debata ni halahi sandiri.

2 TESSALONIKA 3:2

Tangiangkon hamu muse ma anso laing malua hami sian angka halak na jahat dohot na so ture. Angke nada sudena halak ra mangkaporsayai jamita na sian Tuhan i.

PODA 2:8

Dijagohon Tuhan do angka halak na manghaholongi Ia jana dijagohon Ia do halak na tigor pambaenanna.

MASMUR 31:23

Haholongi ma Tuhan, o hamu sude bangsoNia, dijagohon Tuhan do sanga ise na setia. Tapi siginjang roha diuhumi Ia, hombar tu pambaenanna.

1 JOHANNES 5:18

Taboto do anggo halak na dung gabe dakdanak ni Debata, nada pola sai marpupu halahi mambaen dosa, angke dijagohon Anak Ni Debata do ia jana nada tarkahua si Parjahat i ia.

1 JOHANNES 4:19

Marholong ni roha pe hita, hara ni na dung parjolo do Debata mangkaholongi hita.

1 PETRUS 1:5

Di hamu do i sudena, hara ni na dung porsaya hamu tu Debata. Gabe dijago kuaso ni Debata ma hamu anso dohot hamu manjagit haluaan na dung singkop giot pabotohonon di hatiha parpudi.

JAKOBUS 2:5

Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.

DANIEL 6:27

Huparentahon tu sude jolma na adong di luat na hurajai anso mabiar jana marsomba tu Debata na nisomba ni si Daniel! Debata na mangolu do Ia salolot-lolotna, lopus tu ujung ni sudena do Ia mamarenta. Nada ra mago harajaanNia. GogoNia nada marhaujungan.

HALUMBAAN 13:8

Sombaon ni sude jolma na mangolu di ginjang tano on ma binatang i, i ma angka halak na so tarsurat goarna di buku hangoluan ni Anak Ni Biri-biri na dung disambol i, mamungka sian panompaon ni portibi on.

JAKOBUS 1:12

Martua do sanga ise na sobar di na manaon pandugaan. Angke muda dung disalpui ia pandugaan i, manjagit upa ma ia, i ma hangoluan na nijanjihon ni Debata tu angka na mangkaholongi Debata.

1 KORINTUS 8:3

Tapi sanga ise na marsitutu mangkaholongi Debata, ditanda Debata do ia.

JESAYA 45:17

Hape anggo Israel paluaon ni Tuhan, jana malua ma halahi salolotna. Rayatna i nada palayason salolot-lolotna dohot satorusna.’ ”

PODA 3:7

Ulang etong dirimu na ummalo sian satutuna; oloi ma Tuhan, jana pasimbil ma hajahatan.

MASMUR 125:3

Nada sai torus markuaso anggo parjahat di tano ni angka halak na burju, anso ulang dohot muse na burju i mambaen na jahat.

MASMUR 119:163

Huhagigihon do sude gabus, tapi huhaholongi do TonaMu.

MASMUR 91:14

Didok Tuhan, giot paluaonKu halak na mangkaholongi Au. OndinganKu ma sanga ise na mangoku Au gabe Tuhan.

1 PETRUS 1:8

Dihaholongi hamu do Ia haru pe nada jungada diida hamu Ia najolo. Jana dihaporsayai hamu do Ia haru pe saonnari nada diida hamu Ia. Dipapuji-puji hamu do Debata mardongan jop ni roha godang na so tarpajojor dohot hata.

SURAT NI SI PAULUS TU PARLAGUTAN ROM 7:24

Jolma na lebak do au. Ise ma he na giot palua au sian pamatang hamatean on?

SURAT NI SI PAULUS TU PARLAGUTAN ROM 7:15

Harana au sandiri pe nada huastui na hukarejohon; sanga aha por ni rohangku na giot sibaenonku, hape nada hukarejohon; angka na huhagigihon do na hukarejohon.

DANIEL 6:22

Dung i ninna si Daniel ma mangalusi raja i, “Sai ginjang ma umur ni raja i salolot-lolotna!

MASMUR 119:104

Angka parentaMu do mangalehen di au parbinotoan, gabe huhagigihon sandok na margoar hajahatan.

MASMUR 101:3

hajahatan nada padiaronku. Huhagigihon do parbuatan ni halak na balik, nada ra au marsiantoan dohot halahi.

MASMUR 36:4

Di podomannia; dibaensa sangkap na jat, nada adong pangalahona na denggan nada unjung ditulak ia hajahatan.

MASMUR 121:7

Jagohonon ni Tuhan ma ho sian parmaraan, jagohononNia do ho anso marhasonangan.

AMOS 5:14

Parayak hamu ma mambaen na denggan jana ulang ma mambaen na jahat, anso mangolu hamu. Gabe tutu situtu ma maringanan Tuhan, Debata Na Markuaso i di tonga-tongamunu songon na nidokmunu i.