MASMUR 96:5 - BIBEL JAMITA NA DENGGAN

⁵ Patung sajo do anggo debata ni bangso na asing i, tapi anggo Tuhanta, Ia do na manompa alam sasudena i.

MASMUR 96:5 Referans Kwoze

MASMUR 115:15

Sai dipasupasu Tuhan ma hamu nian, sitompa langit dohot tano on!

JESAYA 42:5

Songon on ma didok Debata, Tuhan, na manompa langit jana na paherbangkonsa na manompa tano on dohot sude na tubu di ginjangna na mangalehen hosa tu angka jolma na manginganisa.

1 KORINTUS 8:4

Anggo taringot tu na mangankon sipanganon na dung nihaulkon tu gana-ganaan, taboto do, nada adong satutuna anggo na nigambarkon ni gana-ganaan i. Jana tangkas do taboto, anggo Debata hum sada sajo do; nada adong be na asing.

MASMUR 135:18

Sai songon i ma nian bagian ni angka jolma na mambaensa dohot angka na manghaporsayaisa.

BAENON NI ANGKA RASUL 19:26

Saonnari madung tangkas diida jana dibege hamu sandiri sanga aha na nibaen ni si Paulus. Didok ia, anggo angka debata na nibaen ni tangan ni jolma, nada tutu i debata. Jana madung marbalik bahat halak dibaen ia gabe mangkaporsayai na niajarkonnia i. Nada hum di Epesus on sajo, tapi bolas dohonon madung sudena halak na saluat Asia on.

MASMUR 135:15

Holan sian sere dohot perak manangkas do sisombaon ni halahi, na nipature ni tangan ni jolma.

PAMUNGKAAN 1:1

Di mulana i ditompa Debata ma langit dohot tano.

MASMUR 8:4

ise ma he jolma i, pola diingot Ho ia, ise ma he i pola dipangolu Ho ia?

JESAYA 41:29

Hamu sude nada adong gunana, nada margogo mambaen sanga aha. Patung sajo do hamu na nituang ni tangan ni jolma, gale jana nada margogo.”