MASMUR 96:4 - BIBEL JAMITA NA DENGGAN

⁴ Angke na godang do Tuhan jana na tarpuji situtu do Ia, manyalpui sude debata patut dilehen sangap tuSia.

MASMUR 96:4 Referans Kwoze

MASMUR 145:3

Angke na tongam do Ho, ale Tuhan jana tarpuji situtu, nada hadodoan hagodanganMu.

MASMUR 18:3

Pio-pio ma au tu Tuhan na patut sipasangapon. Jadi malua ma au sian angka musungku.

HALUMBAAN 15:4

Ise dope he na so mabiar mida Ho, Tuhan, jana ise dope he na so ra pasangapkon goarMu? Hum Ho sajo do na badia. Marroan ma angka bangso sudena manyomba Ho dibaen madung diida sasude halak angka panguhumanMu na tigor i.”

MASMUR 95:3

Angke Debata na godang do Tuhan, raja na marsahala mangatasi sandok debata.

MASMUR 89:7

Dipasangap angka pardibanua ginjang do Ho, jana dihabiari sian sude na adong humaliang Ho.

MASMUR 66:3

Dok ma tu Debata, “Hahomangan godang do antong pambaenanMu!” Tunduk tu Ho angka musu jabat bajoraon, hara ni godang ni kuasoMu.

MASMUR 86:10

Dibaen na sangap do Ho, hahomangan do karejoMu, hum Ho do Debata.

MASMUR 48:1

Na godang do Tuhan jana na tarpuji situtu di Kota Ni Debatanta, di dolokNia na badia.

LUKAS 12:5

Denggan ma Hupatuduhon di hamu, sanga ise do na angkon sihabiaranmunu. Habiari hamu ma Debata! Angke dung mamunu Ia markuaso muse dope Ia mangambungkon tu narako! Denggan ma ingot hamu; angkon habiaranmunu do Ia!

MASMUR 66:5

Ro ma hamu mangaligi angka pambaenan ni Debata, sumurung do antong homang ni roha di pambaenanNia maradopkon jolma!

HARURUAR 18:11

Saonnari madung huboto, gumodang do hape Tuhan i sian sandok debata, harana di hatiha di hasombongan ni halak Mesir maradopkon halak Israel do dibaen Tuhan sudena on.”

JEREMIA 5:22

Au ma da Tuhan; biasi nada mabiar hamu tu Au? Sapatutna angkon humitir do hamu nian maradopkon Au! Au do da mambaen pante gabe batas ni laut na so hasalpuansa salolot-lolotna. Tarbaen laut i do marombak jana tarbaen galumbang i do mangamuk, tapi nada tarsalpuisa batas i.

MASMUR 76:7

Sude do halak mabiar be mida Ho, muda pola marsijongjong murukMu, ise ma he na tahan?

NEHEMIA 9:5

Angka halak Levi do na mamungka ibadat di ari i, i ma si Jesua, si Kadmiel, si Bani, si Hasabneya, si Serebya, si Hodia, si Sebanya dohot si Petahya. Didok halahi ma, “Jongjong ma hamu, jana puji ma Tuhan Debatanta! Lehen ma tuSia pujian salolot-lolotna! Nipuji ma goarNa na gok hamuliaan, goar na hebat, na manyalpui sandok pujian!”

1 SAMUEL 4:8

Anggo on mago ma hita! Ise dope tarbaen paluahon hita sian Debata Na Gumogo i? Nada he Debata i do na mamunu halak Mesir di parhorsihan i najolo?

2 JUJUR TAON 2:4

Saonnari au giot mambangun bagas paribadatan na khusus di Tuhan Debatangku. Giot di bagas i ma au dohot rayatku maribadat dohot manutung dupa dohot angka na huskus. Giot tongtong paradeonnami roti na rade diSia. Giot haulkononnami haul situtungon ganop sogot dohot ganop potang, ganop Ari Sabat, Ari Pesta Bulan Na Imbaru dohot di ari na mardohonan na asing i na ditotopkon ni Tuhan Debatanami laho pasangapkon Ia. Na dung diparentahon Ia do i anso patuluson ni halak Israel sapanjangna.

MASMUR 150:2

Puji ma Ia hara ni hagodangan ni pambaenanNia. Puji ma Ia hara ni hagodanganNia na marmulia.

DANIEL 2:47

Didok raja i ma, “Tutu do Daniel, gumodang do Debatami sian sandok debata. Guru diSia do sude raja, jana na margogo mambuka rahasia. Huboto pe na songon i, hara ni na bisa do ho patorangkon astuan ni rahasia on.”