MASMUR 95:2 - BIBEL JAMITA NA DENGGAN

² Beta ma mangadop tuSia mardongan logu tarimakasi, marsurak-surak diSia mardongan masmur.

MASMUR 95:2 Referans Kwoze

MASMUR 100:4

Masuk ma hamu mamolus horbanganNia mardongan ende tarimakasi, tu alamanNia lalu mamuji-muji. Mandok tarimakasi ma tuSia jana puji ma Ia!

EPESUS 5:19

Pake hamu ma sian hata ni Masmur, angka ende puji-pujian tu Tuhan dohot angka ende partondion di angka pangkobarionmunu. Marjop ni roha ma hamu jana ria marende mamuji-muji Tuhan i.

MASMUR 105:2

Endehon ma puji-pujian di Tuhan, baritahon hamu ma sandok hahomangan na nibaenNia.

MIKA 6:6

Aha dehe sihaulkononku tu Tuhan, Debata na di banua ginjang muda ro au marsomba tuSia? Angkon obanonku dehe lombu jara-jara na ummokmok baen sihaulkonon gabe haul situtungon tuSia?

MASMUR 100:2

Marsomba ma tu Tuhan mardongan jop ni roha, ro ma tu joloNia lalu marendei!

MASMUR 17:13

Jongjong ma Ho Tuhan, alo jana taluhon ma musungku, palua au sian parjahat hara ni podangMu.

JAKOBUS 5:13

Muda topet adong na susa sian hamu, martangiang ma ia. Muda adong na marjop ni roha, marende ma ia mamuji Debata.

MASMUR 7:7

Palagut ma angka bangso na humaliang Ho sian habangsaMu na di banua ginjang, tu halahi markuaso do Ho.

MASMUR 81:2

Palu ma tambor, marende ma tangging piltik ma gambus dohot hasapi na mandonting.

MASMUR 98:4

Marsurak-surak ma hamu di Tuhan, ale sandok tano on, marsurak ma hamu jana pajojor masmur marjop ni roha!