MASMUR 95:1 - BIBEL JAMITA NA DENGGAN

¹ Beta marende hita di Tuhan, marsurak-surak di pangondinginta!

MASMUR 95:1 Referans Kwoze

1 KORINTUS 10:4

jana rap siinumon partondion do diinum halahi. Rap minum sian dolok batu partondion do halahi, i ma batu partondion na mandongani halahi; Kristus sandiri do anggo batu partondion i.

MASMUR 81:1

Marsurak ma hita marolop-olop di Debata, hagogoanta, di Debata ni si Jakob, marsurak ma hita marjop ni roha.

MASMUR 150:6

Denggan ma i, sude na marhosa mamuji Tuhan. Puji ma Tuhan!

2 SAMUEL 22:47

O Tuhan ni hangoluan! Nipuji ma Ho na mangampuni au! Pasangap ma Debata na gumogo, sipaluangku!

HARURUAR 15:21

Marende ma si Miryam di halahi, “Marende ma di Tuhan, dibaen tarlobi do hamonanganNia kudo dohot na manenggetsa diambungkon Ia tu bagasan laut.”

HALUMBAAN 15:3

Jana diendehon halahi ma ende ni si Musa, naposo ni Debata i dohot ende ni Anak Ni Biri-biri i. Songon on ma ende ni halahi i, “Na godang jana hahomangan do angka pambaenanMu ale Tuhan, Debata Parkuaso Na Sumurung. Na tigor jana na sintong do sude dalanMu, ale Raja ni sude bangso.

MASMUR 100:1

Marsurak ma di Tuhan, ale sandok portibi!

MASMUR 34:3

Pagodang ma Tuhan rap dohot au, beta ma rap hita pasangapkon goarNia.

1 JUJUR TAON 16:9

Endehon ma puji-pujian tu Tuhan. Pabotohon ma sude na nibaenNia hahomangan!

KOLOSSE 3:16

Sai mur maringan ma angka pangajaran ni Kristus tu bagasan rohamunu jana dilehen ma pasupasuNa di hamu mardapot-dapot. Marsiajar-ajaran ma hamu jana marsipaingotan samalomunu. Endehon hamu ma Masmur dohot puji-pujian bope angka ende partondion tu Tuhan. Mardongan hatarimakasion sian bagasan rohamunu, marende ma hamu tu Debata.

MASMUR 66:8

O hamu angka bangso, puji hamu ma Debatanami, pagogo hamu ma soramunu mamuji Ia!

PANGARATAION 32:15

Gabe maradong bangso ni Tuhan, tapi sai tagi mangalo, ditulak halahi do Sipalua na gumogo. Mamokmohi halahi, butongan sipanganon. Ditadingkon halahi do Debata Na Manjadihon.

HALUMBAAN 19:6

Dung i hubege do songon sora ni jolma na bahat situtu; songon sora ni aek na godang dohot songon sora ni ronggur na gogo na mandok, “Haleluya! Harana Tuhan Debatanta Parkuaso Na Sumurung i madung gabe Raja.

HALUMBAAN 5:9

Dung i diendehon halahi ma sada logu na imbaru: “Hum Ho sajo do na patut mambuat buku on dohot mambuka angka capna i. Angke madung hona bunu Ho, jana hara ni hamamateMi madung ditobus Ho jolma tu Debata sian sandok marga, hata, negara, dohot bangso.

EPESUS 5:19

Pake hamu ma sian hata ni Masmur, angka ende puji-pujian tu Tuhan dohot angka ende partondion di angka pangkobarionmunu. Marjop ni roha ma hamu jana ria marende mamuji-muji Tuhan i.

MATEUS 21:9

Mamungka ma marsurahi halak na mardalan di jolo dohot na di pudi ni Jesus. Ninna halahi ma, “Hosana ma di Anak Ni si Daud! Dipasupasu ma Ia na ro di bagasan goar ni Tuhan! Puji ma Debata Na Gumincat i!”

JEREMIA 33:11

Tapi habegean ma mangulahi di angka inganan i sora ni jop ni roha dohot hamogaan maradu sora ni na haroan boru. Tarbege muse ma ende ni halak na maroban haul hatarimakasion tu bagasKu. Dokkonon ni halahi ma, ‘Mandok tarimakasi ma tu Tuhan Na Markuaso i, angke na burju do Ia jana hot do holong ni rohaNa i.’ Sonang ma baenonKu luat on songon di mulana. Au Tuhan, madung mandok songon i.”

MASMUR 118:1

Dok ma tarimakasi tu Tuhan angke na denggan do Ia, sai hot do manongtong holong ni rohaNia.

MASMUR 117:1

Puji ma Tuhan, o hamu angka bangso sudena, puji hamu ma Ia, o hamu jolma manusia!

HARURUAR 15:1

Dung i diendehon si Musa dohot halak Israel ma ende on di Tuhan, “Giot marende ma au di Tuhan, hara ni na monang Ia marhasurungan. Kudo dohot na mangalombut diambungkon Ia tu bagasan laut.

MASMUR 107:21

Patut ma da antong halahi mandok tarimakasi, dibaen tongtong halahi dihaholongi Tuhan, dipatupa Ia di halahi angka hahomangan.

MASMUR 107:15

Patut ma da antong halahi mandok tarimakasi, dibaen tongtong halahi dihaholongi Tuhan, dipatupa Ia di halahi angka hahomangan.

MASMUR 107:8

Patut ma da antong halahi mandok tarimakasi dibaen sai holong roha ni Tuhan di halahi, dipatupa Ia angka hahomangan di halahi.

MASMUR 101:1

Giot marende do au di Ho, Tuhan, taringot tu habonaran dohot hatigoran do endengku.

MASMUR 89:26

Dokkononnia ma tu au, ‘Ho do Damang jana Debatangku, Ho do pangondianku dohot sipalua au.’

HALUMBAAN 14:3

Di jolo ni habangsa i dohot mahluk na opat i dohot di angka pamimpin na humaliang habangsa i diendehon angka halak si 144.000 i ma sada ende na imbaru. Nada tarparsiajari sanga ise pe ende i asing sian halak na 144.000 i. Angka halak na nipalua do halahi sian tano on.

2 JUJUR TAON 20:28

Di na lalu di kota i, marbaris ma halahi tu Bagas Ni Debata diihutkon sora ni hasapi dohot sarune.

MASMUR 18:47

Ia do mamaloskon hajahatan ni musungku, bope na pataluhon angka bangso di jolongku.