MASMUR 94:21 - BIBEL JAMITA NA DENGGAN

²¹ Marsatahi halahi mangalo halak na jujur, jana mandabu uhuman mate tu halak na so marsala.

MASMUR 94:21 Referans Kwoze

MATEUS 27:1

Dung torang arina i martahi ma sude angka Sintua Ni Malim dohot angka hatobangon ni halak Jahudi manontuhon sanga na bia baenon ni halahi mamunu Jesus.

PODA 17:15

Dihagigihon Tuhan do na patigorkon halak na so hasaya, jana na pasalahon halak na so marsala.

MASMUR 59:3

Ligi bo, ma singkop halahi giot mamunu au, mardomu halak na jahat laho manyoro au; hape nian nada hara ni na mardosa au, sanga na hulaosi aturanMu, ale Tuhan.

HALUMBAAN 17:6

Jadi huida ma mabuk dadaboru i dibaen mudar ni angka na badia dohot sian mudar ni angka saksi ni Jesus. Dung huida dadaboru i, gabe homang-komang ma au.

HARURUAR 23:7

Ulang nibaen-baen hata na so tutu tu halak, jana ulang nidabu uhum mamatehon halak na so marsala, harana hona bura do baenonKu sanga ise na mambaen hajahatan na songon i.

JAKOBUS 5:6

Diuhum jana dibunu hamu do angka halak na so marsala, hape nada mangalo halahi tu hamu.

MATEUS 27:4

Ning ia ma, “Ma mardosa au, manghianat au tu halak na so marsala gabe didabu uhum mamatehon Ia!” Didok halahi ma mangalusi, “Ahana ma i di hami? Urusanmu do i!”

JEHESKIEL 22:27

Songon sorigala na manyahe-nyahe soroanna do angka na marjabatan di pamarenta ni halahi. Mamunu jolma do halahi hum hara ni na manjalahi untung.

JEHESKIEL 22:12

Adong muse do sigararon mamunu jolma, siincop mudar dohot na mamoro angka donganna sabangso. Madung dihalupahon halahi sudena Au. Au Tuhan Debata, madung mandok songon i.

PODA 1:11

Sugari sura didok halahi, “Beta tajalahi ma jolma jana tabunu. Beta ma marjop ni roha hita marhite na manyaroso halak na so marsala.

MASMUR 22:16

Dihobuk punguan ni halak na jahat do au, tudos tu anjing na marudur halahi mangarongomi au, manyuak-nyuak tangan dohot patku.

1 RAJA-RAJA 21:19

jana palalu ma tusia, Au Tuhan mandok songon on, ‘Dung mamunu jolma, mangarampas dope! Jadi hara ni i dilatan ni anjing ma mudarmu di inganan ni pandilatan ni angka anjing di mudar ni si Nabot i!’ ”

BAENON NI ANGKA RASUL 7:52

Adong dehe panurirang na so diparkanciti ni angka ompungmunu i? Dibunu halahi do angka suruan ni Debata na mambaen boa-boa narobi, paboa na angkon ro ma Partigor i. Jana saonnari dihianati jana dibunu hamu do Naposo Ni Debata i.

JEHESKIEL 22:6

Sude pamimpin ni Israel mangasahon gogo ni botohonna sandiri do jana sai mamunu jolma.

JEREMIA 26:15

Tapi ingot hamu ma, muda dibunu hamu au, hamu noma dohot halak kota on mananggung hasalaan hara ni pamunuon maradopkon halak na so marsala. Angke Tuhan do na marsuru au laho palaluhon sipaingot i tu hamu.”

PODA 1:16

Nada sombu roha ni halahi anggo so jolo mangkarejohon na jat. Sai na matua hobas do halahi laho mamunu.

MASMUR 106:38

Dibunu halahi angka halak na so marsala, anak ni halahi sandiri i ma na giot dihaulkon tu debata ni Kanaan, hara ni pamunuon i gabe hodar ma tanona.

MASMUR 56:6

Marlagut ma halahi di partabunian, jana pamanatkon sandok na nipambaenan, manjalahi hatiha na denggan laho mamunu au.

2 JUJUR TAON 24:21

Tapi mambaen kompolotan ma rayat i mangalo si Zakaria, jana dohot do Raja Joas di bagasan kompolotan i. Nada diingot ia be jasa-jasa dohot haburjuon ni si Joyada amang ni si Zakaria i. Diparentahon raja i ma anso didangguri si Zakaria dohot batu lopus mate di alaman ni Bagas Ni Debata. Di na laho tos hosania, pio-pio ma si Zakaria, “Sai diida Tuhan ma pambaenanmon jana dibaloskon Ia!”

DANIEL 6:8

Hami sude na angka gubernur, angka wakil ni gubernur dohot angka na maniop jabatan na asing, madung martahi hami laho mangusulkon anso diparuar raja i surat parenta na mandok angkon oloan sian situtu ni roha. Diparentahon raja i ma nian sugari, anso di bagasan tolu pulu ari sada halak pe nada tola palalu pangidoan tu sada sian angka debata sanga tu jolma, asing ni na tu raja i sandiri. Sanga ise na mangalanggar parenta i ambungkonon ma tu bagasan liang ni singa.