MASMUR 92:9 - BIBEL JAMITA NA DENGGAN

⁹ Hami boto do na giot timpaskonon musuMu, ale Tuhan, sude halak na jahat giot dipasarsar.

MASMUR 92:9 Referans Kwoze

MASMUR 37:20

Hape na giot harom do anggo parjahat, mago boti ma halahi songon timus. Marmagoan ma angka musu ni Tuhan songon bunga na di padang-padang.

MASMUR 89:10

Rahab naga laut i dibunu jana diropukkon Ho, ditaluhon Ho musumu marhite tangan na gogo.

LUKAS 21:24

Adong ma na dibunu dohot podang, adong muse ma i na dioban gabe taban tu angka luat ni halak; jana dege-degeon ni halak ma Jerusalem lopus abis hatiha na dung nitontuhon ni Tuhan i tu halahi.”

LUKAS 19:27

Jana oban hamu ma tuson angka musungku na so ra manjagit au gabe raja ni halahi. Sambol hamu ma halahi di jolongku!’ ”

MATEUS 7:23

Tapi anggo alusKu songon on ma, ‘Nada Hutanda hamu! Morot ma hamu sian Au, angka na jahat do hamu!’ ”

JEHESKIEL 5:12

Sapartolu sian jolma na mangingani ho, mate ma i hara ni nyae masa dohot baenon ni haleon potir na masa di kota i. Sapartolu hona sambol baenon ni podang humaliangmu, jana sapartolu nari sarsarkononKu sun tu dia jana paihut-ihuton ni podang sian pudi baenonKu.

JESAYA 17:13

Ro ma halahi songon ombak na margulung-gulung. Tapi dipaingot Tuhan ma halahi, gabe sumurut ma halahi, dihais songon abuan di lereng ni tor sanga songon guapak diombus haba-haba.

MASMUR 73:27

Na giot mago do sanga ise na manadingkon Ho, dipatimpas Ho do sanga ise na so setia tu Ho.

MASMUR 68:30

Songgakkon ma, binatang panyoro di arung-arung, gorahon ma angka bangso na gogo dohot panguasa ni angka bangso. Taluhon ma halahi na mangkojar sinadongan; sarsarkon ma angka bangso na manghagioti parporangan.

MASMUR 59:11

Ulang bunu halahi, anso ulang lupa bangsongki. Marhite kuasoMu, ayak ma halahi cuka-ciri, taluhon ma halahi, ale Tuhan pangondiannami.

MASMUR 1:4

Tapi suhar-suhar ni i do anggo halak parjahat; songon guapak na niombuskon ni haba-haba do.

HAKIM-HAKIM 5:31

Sai mate ma nian angka musuMu, Tuhan, songon si Sisera, tapi sude donganMu sai magodang ma songon mataniari di angkasa. Dung i i sonang ma luat i opat pulu taon lolotna.

PANGARATAION 28:64

Paserahon ni Tuhan ma ho di tonga-tonga ni angka bangso, sian ujung na sada tu ujung na sada nari di tano on. Sombaonmunu ma disi angka debata na dibaen sian hayu dohot batu, i ma angka debata na so unjung hian disomba ho dohot ompumunu.

BILANGAN 10:35

Ganop laho mamorsan Poti Parjanjian i, didok si Musa do, “Jongjong ma Ho ale Tuhan, sarsarkon ma sude musuMu, anso sude halak na mangkagigihon Ho maporus.”

HAMALIMON 26:33

ParoonKu ma parporangan di luatmunu jana manyarsar hamu di luat na leban. Angka ladangmu gabe tarulang jana kotamu gabe abu.

MASMUR 97:9

Dirajai Tuhan Na Gumincat i do sude tano on na tongam do Ia mangalobii angka debata.

MASMUR 102:13

Giot jongjong do Ho jana manghaholongi Sion, madung dapot hatihana maribo roha Ho tusia.

MASMUR 102:25

narobi ni narobi dijadihon Ho hasiangan; jana dohot tanganMu sandiri dibaen Ho rupa ni langit i.