MASMUR 91:2 - BIBEL JAMITA NA DENGGAN

² tola ma dokkononna tu Tuhan, “Ho noma pangondianku dohot parlindunganku. Debatangku, haposan ni rohangku.”

MASMUR 91:2 Referans Kwoze

MASMUR 18:2

Tuhan do parondinganku, benteng na togu di au. Tu Debata do au marsilaung, gabe sonang au marlindung. Songon parince digupgupi Ia au, dijago Ia au tongtong anso sai sonang au.

PODA 18:10

Songon palas-palas na togu do Tuhan; tusi do maporus halak partigor anso malua.

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

MASMUR 142:5

Ale Tuhan, pio-pio au, urupi ma au, Ho do ale Tuhan, pangondingingku. Hum Ho sajo do sasudena na huporluhon di bagasan ngolungku di tano on.

MASMUR 46:1

Debata do pangondianta dohot gogonta, sai na rade do Ia mangurupi muda ro hasusaan.

MASMUR 71:3

Sai Ho ma parlindungan na sonang di au dohot partahanan na togu; tu Ho do au marlindung dohot martahan, jadi gabe horas torkis ma au.

MASMUR 14:6

Digaor halak na jahat i angka sangkap ni halak na pogos, hape jolma na pogos i do na diurupi Tuhan.

MASMUR 91:9

Angke dibaen ho do Tuhan pangondianmu, dibaen ho Na Gumincat i parlindunganmu.

IBRANI 11:16

Hape anggo saonnari, luat na dumenggan do na nijalahan ni halahi, i ma banua ginjang. Hara ni i ma umbaen na so pola ila roha ni Debata nigoaran Ia Debata ni halahi, angke madung dipasingkop Debata sada kota di halahi.

MASMUR 48:14

Paboa Ia do Debata, Debatanta sapanjangna, uluhononNia ma hita salolot-lolotna.

PAMUNGKAAN 17:7

Paingot-ingotonKu do janjingKu na tu ho dohot tu pomparanmu marsundut-sundut jana hot do janjingKu salolot-lolotna. Au ma gabe Debatamu jana Debata ni pomparanmu.

LUKAS 20:38

Nada Debata ni halak na mate Tuhan i tapi Debata ni halak na mangolu do i! Harana anggo di Debata, na mangolu do sude jolma.”

JEREMIA 31:1

Didok Tuhan ma, “Dapot do i hatihana gabe Au Debata ni sude marga ni Israel, jana halahi gabe bangsongKu.

MASMUR 43:4

Jadi dapotkononku ma langgatanMu ale Debata, Ho sajo ma i mual ni hatuaanku. Marende ma au jana mamiltik hasapi, papuji-puji Ho, ale Debatangku, ale Debatangku.

MASMUR 18:3

Pio-pio ma au tu Tuhan na patut sipasangapon. Jadi malua ma au sian angka musungku.

MASMUR 25:2

o Tuhan, Ho do haposan ni rohangku! Ulang padiar dipaila au, jana disurahi angka musungku.

MASMUR 31:15

Ho do na sai tongtong pature-ture au; palua ma au sian musungku, dohot sian halak na manyosak au.

MASMUR 46:2

Gabe nada mabiar hita, haru pe humutur portibi on, dohot angka dolok marbonoman tu tandolan ni laut.

MASMUR 61:5

Angke madung ditangihon Ho janjingku, ale Debata, jana madung dilehen Ho di au angka na patut di ganup na porsaya tu Ho.

MASMUR 142:6

Tangihon ma angguk-anggukku mangido partolongan, dibaen bonom do au di bagasan pandelean. Palua ma au sian angka musungku angke gumogo do halahi ulang au.