MASMUR 9:7 - BIBEL JAMITA NA DENGGAN

⁷ Tuhan do raja di sude tingki, sian habangsaNa, diuhumi Ia portibi.

MASMUR 9:7 Referans Kwoze

HALUMBAAN 20:11

Dung i huida ma sada habangsa na godang, jana na bontar. Huida muse do Ia na juguk di habangsa i. Mago ma langit dohot tano sian joloNia lopus nada haidaan.

2 PETRUS 3:8

Tapi na saragam on nada tola lupa hamu: anggo di parnidaan ni Debata nada adong asing ni na sadari dohot na saribu taon – sarupa do i dua-dua.

IBRANI 13:8

Tongtong do sarupa anggo Jesus Kristus, najolo, saonnari jana ro di salolot-lolotna.

MASMUR 103:19

Mamarenta do Tuhan di banua ginjang, Ia do raja na mamarenta sasudena.

MASMUR 102:12

Tapi raja do Ho sapanjangna, ale Tuhan, sai ingoton marsundut-sundut.

MASMUR 89:14

Hatigoran dohot hajujuron do ojahan ni harajaanMu, torang do huida holong dohot habonaron di sude na nibaenMu.

MASMUR 90:2

taran so dijadihon Ho dope angka dolok, jana dompak so ditompa Ho dope tano on dohot portibi on. Ho do Debata na manongtong, na so marmula na so marujung.