MASMUR 89:8 - BIBEL JAMITA NA DENGGAN

⁸ Ale Tuhan, Debata Na Markuaso, ise dehe songon Ho? Na gogo do Ho ale Tuhan, jana hasetiaanMu adong di humaliangMu.

MASMUR 89:8 Referans Kwoze

MASMUR 71:19

Sagincat ni langit hatigoranMu, ale Debata; na godang do karejo ni tanganMu, ise ma he na tarpatudos tu Ho?

JEREMIA 32:17

“O ale Tuhan Debata, Ho do na manompa langit dohot tano marhite kuaso dohot hamaloanMu na godang i, nada adong sanga aha na maol di Ho.

1 SAMUEL 2:2

Nada adong na badia songon Tuhan, nada adong na gogo songon Ia, nada adong na songon Ia na bisa gabe parondingan.

MASMUR 147:5

Na godang ma da Tuhanta jana na sumurung habisuhonNia nada tarsuhat.

MASMUR 89:6

Di langit ni langitan nada adong na tudos dohot Ho, Tuhan, nada adong pardibanua ginjang na sarupa dohot Tuhan.

MASMUR 84:12

Ale Tuhan Na Markuaso, sai martua ma tutu sanga ise na porsaya tu Ho.

MASMUR 35:10

Sian sandok rohangku hudok hatangku, “Tuhan, nada adong da tudosanMu! Diondihon Ho do na gale sian na gogo na pogos dohot na marhancit sian na manyosaksa.”

MASMUR 24:8

Ise he Raja Na Marmulia i? I ma Tuhan na sun gogo; Tuhan na gok kuaso, na so jungada talu di parporangan.

JESAYA 28:22

Madung hubege haputusan ni Tuhan Debata Na Markuaso i laho mangago sandok luat. Ulang nayang rohamunu di angka hata na hupalalu on. Mur tu maolna lalu di hamu palua diri!

MASMUR 89:13

Na lobi godang do antong kuasoMu, jana na sumurung do hagogoonMu!

JOB 9:19

Angkon maradu gogo noma iba ulaning dohot Ia? Hape ligi da, na santak do hinagogoNa. Sugari hubaen salaho tuSia pangaduan, ise ma na puluk mamiohon Ia tu paruhuman?

JOSUA 22:22

“Debata do Na Sun Markuaso! Ia do Tuhan! Debata do Na Sun Markuaso! Ia do Tuhan! Diboto Ia do sanga hara ni aha umbaen na hami patupa pangalaho on jana giotnami pe ulang so dohot hamu nian umbotosa! Sugari na tutu hami baen pangalaho i mardongan maksud mangalo Tuhan sanga hara ni na so porsaya be hami tuSia, bunu hamu ma hami saonnari!

PANGARATAION 32:31

Diboto musu ni Israel sandiri do na so margogo debatana i, nada alona Debata ni Israel na hebat i.

MATEUS 6:13

jana ulang pamasuk hami tu bagasan pandugaan, tapi palua ma hami sian pangago i.’ [Ho do Raja na markuaso jana na marsangap salolot-lolotna.]

1 SAMUEL 15:19

Biasi nada tunduk raja i diparenta ni Tuhan? Biasi marribur-ribur raja i mambuati barang rampasan? Jana marhite pambaenan na songon i do na gabe muruk roha ni Tuhan?”

PANGARATAION 7:21

Jadi ulang hamu mabiar tu angka bangso i. Tuhan Debatamunu rap dohot hamu. Debata na tongam do Ia; sai habiari hamu ma Ia.

NEHEMIA 1:5

“Ale Tuhan Debata na markuaso di banua ginjang Debata Na Godang do Ho, jana di bagasan gok biar do hami ro mangadop tu Ho. Sai tongtong do holong rohaMu di angka na mangkaholongi Ho jana na mangoloi parentaMu jana ditiop Ho do janjiMu tu halahi.

JOB 37:22

Muldop do sibalik hunik di Utara, jana hasangapan ni Debata mambaen homang rohanta.