MASMUR 89:5 - BIBEL JAMITA NA DENGGAN

⁵ Ale Tuhan, dipuji na marlagut di banua ginjang i do karejoMu na godang i, hasetiaonMu diendehon angka pardibanua ginjang.

MASMUR 89:5 Referans Kwoze

MASMUR 97:6

Dipajojor langit hatigoranNia, sandok bangso marnida hamuliaanNia.

MASMUR 19:1

Dibaritahon langit do hamuliaan ni Debata, jana dipaboahon awang-awang i do karejo ni tanganNa.

JESAYA 44:23

O langit, marende ma ho, angke madung martindak Tuhan, o butuha ni portibi, marsurak-surak ma. Dolok dohot hayu-hayu di harangan, marsurak ma marmoga-moga, pasangap ma Tuhan na manobus Israel, bangsoNia.

MASMUR 50:6

Dipabotohon langit do hatigoranNa, angke Debata sandiri do panguhumNa.

1 PETRUS 1:12

Dipaboa Debata do tu angka panurirang i sasudena na nibaen ni halahi i laho mangoloi hamu do, jana nada na mangoloi halahi sandiri; i ma taringot tu angka na nibegemunu saonnari sian angka na manjamitahon Jamita Na Denggan. Mardongan kuaso ni Tondi Parbadia na nitongosNia sian banua ginjang do dipasahat halahi na songon i tu hamu. Salang angka surusuruan pe por do rohana mamboto barita na nipaboa ni halahi i.

2 TESSALONIKA 1:7

Jana tu hamu angka na manjagit sitaonon saonnari – laing songon i muse tu hami – lehenon ni Debata ma halumbangan muda dung tarida Tuhan Jesus mijur sian banua ginjang rap dohot angka surusuruanNia na markuaso i

EPESUS 3:10

On do maksud ni Debata disi: anso saonnari, sude na maniop kuaso di awang-awang i mamboto hamaloon ni Debata di sude ragam rupa ni pangalaho markite-hite parlagutan i.

DANIEL 7:10

Ruar ma sada batang aek api, jana mamolus sian adopanNia; saribu noli marribu-ribu angka na mangoloi Ia, jana bahat sajo do jolma jongjong di joloNia. Dung i juguk ma angka Panguhum jana diungkap ma Angka Buku.

MASMUR 89:7

Dipasangap angka pardibanua ginjang do Ho, jana dihabiari sian sude na adong humaliang Ho.

JOB 5:1

Pio-pio ma jolo ho Job, adong dehe alus na ro? Sian angka na badia do pangurupi dipangido ho?

PANGARATAION 33:2

“Ro do Tuhan sian Dolok Sinai bincar di ginjang ni Edom songon mataniari. Sian Dolok Paran murgap Ia laho manyondangi bangsoNa, diudurkon sampulu ribu surusuruan api na marjilam di tanganna songon hilap.

1 JUJUR TAON 17:11

Sanoli on di hadudumpang ni ajalmu, di na dikubur ho rap dohot ompumunu, baenonKu ma sahalak sian anakmi gabe raja. Ia ma na giot pajongjongkon bagas di Au jana patoguonKu ma harajaannia sapanjangna.

MASMUR 61:8

Jadi anggo au, endehononku ma pujian di Ho, lalu hupatulus janjingku sian ari tu ari.

MASMUR 89:30

Tapi muda dilaosi pomparannia uhumKu, jana nada mardalan marguru di parentangKu,

MASMUR 89:37

Tohong do harajaannia salolot-lolotna songon bulan, saksi na bonar di awang-awang.”

MASMUR 132:11

Mardongan sumpa do dijanjihon Ho tu si Daud, jana nada tarihonMu be janjiMi mangulahi. NingMu do, “Sada sian anakmu baenonKu gabe raja; ia ma manggontihon ho marhabangsa.

JESAYA 9:6

Madung sorang di hita sada dakdanak; dibasa-basahon di hita sada anak. Ia ma na gabe pamimpinta. Digoari do Ia: “Panuturi Na Marroha”, “Debata Parkuaso”, “Ama Salolot ni lolotna”, “Raja Ni Hadameon”.