MASMUR 89:12 - BIBEL JAMITA NA DENGGAN

¹² Ho do na manjadihon Utara dohot Selatan, Dolok Tabor dohot Hermon marsurak di Ho marhamogaan.

MASMUR 89:12 Referans Kwoze

JOB 26:7

Dipahembang Debata do langit na di Utara, jana digantungkon Ia do portibi di inganan na soada.

JOSUA 19:22

Dais do batas ni tano ni halahi tu Tabor, Sahasima, Bet-Semes, lalu marujung di Batang aek Jordan. Adong do onom bolas kota dohot angka luat na humaliangna na masuk tu tano ni halahi.

JOSUA 12:1

Anggo luat na di Habincaran ni Jordan, mamungka sian Rura Arnon manangkok tu Rura Jordan lopus tu tongtang ni Dolok Hermon di Utara, madung dirampas jana diingani angka halak Israel. Adong do dua raja na nitaluhon ni halahi.

MASMUR 133:3

Sanga songon ombun di Dolok Hermon, na mijur tu angka Dolok Sion. Disi ma janjihonon ni Tuhan pasupasuNa, i ma hangoluan na salolot-lolotna.

MASMUR 98:8

Martopapi ma angka batang aek, marsuraki ma angka dolok di adopan ni Tuhan.

HAKIM-HAKIM 4:12

Disi dibege si Sisera na dung kehe si Barak tu Dolok Tabor,

HAKIM-HAKIM 4:6

Sanoli disuru ia ma halak mamiohon si Barak, anak ni si Abinoam na sian kota Kedes na di Luat Naftali. Dung i didok ia ma tu si Barak, “On ma parenta ni Tuhan, Debata ni Israel tu hamu: ‘Palagut ma sampulu ribu halak halaklahi sian Marga Naftali dohot Zebulon, jana oban ma halahi tu Dolok Tabor.

JEREMIA 46:18

Au do Tuhan Na Mangolu, Au do raja, Tuhan Na Markuaso. Songon Dolok Tabor na gumincat sian tonga-tonga ni angka dolok dohot Dolok Karmel na marsijongjong di ginjang ni sisik ni laut, songon i ma hagogoan ni na ro i mamorangi ho.

JESAYA 49:13

Marende ma ho, o langit, marsurak ma ho ale portibi, marsurak angka dolok marendei. Ro Tuhan mangapoi bangsoNia i, dihaholongi Ia bangsoNia angka na susa.

MASMUR 24:1

Tuhan do nampuna tano dohot pangisina, portibi dohot sude na manginganisa.

MASMUR 24:2

Dipayakkon Ia ojahanna di laut na bidang i, dipajongjong Ia di aek na bagas i.

MASMUR 115:16

Hum Tuhan do nampuna langit, tapi anggo tano on dilehen Ia do tu jolma.