MASMUR 89:10 - BIBEL JAMITA NA DENGGAN

¹⁰ Rahab naga laut i dibunu jana diropukkon Ho, ditaluhon Ho musumu marhite tangan na gogo.

MASMUR 89:10 Referans Kwoze

MASMUR 144:6

Danggurkon ma hilapMu anso masarsar musu i, palua ma anak ni siorMu anso marsitondong dalanna halahi maporus.

MASMUR 87:4

Dokkononku ma Rahab dohot Babel di tonga-tonga ni angka jolma na mananda Au, jana dohot di Pilistea, Tirus dohot Etiopia, “On ma na disorangkon dison.”

MASMUR 68:30

Songgakkon ma, binatang panyoro di arung-arung, gorahon ma angka bangso na gogo dohot panguasa ni angka bangso. Taluhon ma halahi na mangkojar sinadongan; sarsarkon ma angka bangso na manghagioti parporangan.

JESAYA 24:1

Segohonon ni Tuhan ma tano on, lopus gabe harsang jana mamolngit. Margaba-gobi ma baenonNia sisik ni tano on jana sarsarkononNia noma na manginganisa.

MASMUR 68:1

Jongjong ma Debata manyarsarkon musuNia, marlojongi ma na mangkagigihon Ia sian joloNia.

MASMUR 59:11

Ulang bunu halahi, anso ulang lupa bangsongki. Marhite kuasoMu, ayak ma halahi cuka-ciri, taluhon ma halahi, ale Tuhan pangondiannami.

PANGARATAION 4:34

Jungada ma he adong sada debata na puluk mambuat sada bangso sian bangso na asing lalu mambaen halahi bangsonia sandiri, songon na nibaen ni Tuhan Debatamunu di hamu di Mesir? Diida hamu sandiri do sanga songon dia godang ni hagogoon ni Debata parohon parmaraan dohot porang, mambaen angka hahomangan dohot patuluskon angka pangalaho na jorbut.

MASMUR 65:8

Sude pangisi ni portibi on mabiar jana mangalehen sangap paida-ida pambaenanMu na santak. Sude jolma di na satano on, dibaen Ho marsurak marmoga-moga.