MASMUR 87:7 - BIBEL JAMITA NA DENGGAN

⁷ Manortori ma halahi jana marendei, “Di Sion do dapot mual ni pasupasu di hami!”

MASMUR 87:7 Referans Kwoze

MASMUR 36:9

Ho do mual haroroan ni ngolu di sude na adong, di bagasan sinondangMu hami ida na torang.

JOHANNES 1:16

Angke sian hagogokNia, nada mar na mantak Ia, mamasumasu tu hita sudena.

JESAYA 12:3

Jadi marjop ni roha ma hamu manimba aek sian mual haluaan.”

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!

HALUMBAAN 21:6

Dung i didok Ia ma tu au, “Sasudena i madung tarjadi, Au do Na Parjolo dohot Na Parpudi, Bonana dohot Ujungna. Halak na manguas Hulehen do minum sian mual hangoluan i.

JOHANNES 4:14

tapi anggo halak na manginum aek na giot lehenonKi disia, nada manguas be ia salolot-lolotna. Angke anggo aek na giot lehenonKi angkon gabe sada mata mual na marbuldak-buldak do i di dirinia jana mangalehen hangoluan na so mantak.”

HALUMBAAN 22:1

Dipatidahon surusuruan i muse dope tu au batang aek na lan sajo songon kristal jana mangalehen ngolu do aekna i. Sian habangsa ni Debata do mardalan batang aek i dohot sian Anak Ni Biri-biri i,

1 JUJUR TAON 23:5

opat ribu halak maniop tugas mangawal, jana opat ribu halak nari mamuji Tuhan mardongan musik na diparade hian.

2 SAMUEL 6:14

Dung i marsitutu ma si Daud manortori laho pasangapkon Tuhan. Pakeannia di hatiha i, i ma baju efod na sian abit linen.

JAKOBUS 1:17

Ganop silehen-lehen na denggan jana na sanggam sian banua ginjang i do ro; na nipaijur ni Debata na manompa sasudena na torang di langit i do sudena i. Ia do Debata na so muba-uba, jana nada mandao muse Ia sian hita, gabe adong do tading halinuNa humaliang hita.

JOHANNES 4:10

Dialusi Jesus ma, “Sugari ma diboto ho silehen-lehen ni Debata jana ditanda ho na mangido minum sian ho, gabe ho sandiri noma mangido sian Ia, jana lehenonNia ma di ho aek na mangolu.”

MASMUR 46:4

Adong do batang aek na pajopkon roha ni Kota Ni Debata, inganan ni Debata Na Gumincat.

MASMUR 149:3

Puji ma goarNa markite-hite angka tortor, puji hamu ma Ia mardongan hasapi dohot gondang!

MASMUR 68:26

“Puji ma Debata di tonga-tonga ni parlagutan ni bangsoNa, puji ma Tuhan, o hamu pomparan ni si Jakob sudena!”

JEHESKIEL 47:1

Dioban bayo i muse ma au tu pintu masuk ni Bagas Na Badia i. Huida ma aek mamolus sian toru ni pintu i kehe sabola Habincaran. Mardalan sian toru ni Bagas Na Badia i do aek i sabola Selatan mamolus sian topi sabola Selatan ni langgatan i.