MASMUR 86:4 - BIBEL JAMITA NA DENGGAN

⁴ O Tuhan, pajop ma roha ni naposoMu, tu Ho do huadopkon tangiangku.

MASMUR 86:4 Referans Kwoze

MASMUR 143:8

Pasunggulkon ma tu au ganop manyogot holong ni rohaMu na manongtong i, angke tu Ho do au mararop roha. Hupasahat do tu Ho tangiangku patuduhon ma tu au dalan sibolusonku.

MASMUR 25:1

Tu Ho do, ale Tuhan, hupasahat tangiangku,

MASMUR 51:12

Baen ma au marjop ni roha mangulahi hara ni haluaan na sian Ho, padiar ma anso sian jop ni rohangku burju au mangoloi Ho.

JESAYA 61:3

Mangalehen parhiasan ni ulu gonti ni abu, miak pesta gonti ni abit goni, ende puji-pujian gonti ni roha na gale, anso dohonon ni halak ma halahi “Hayu tarbantin hasintongan”. “Suan-suanan ni Tuhan laho pataridahon hagodanganNia.”

MASMUR 62:8

O hamu bangsongku, sai tu Debata ma hamunu mararop roha, usehon ma isi ni rohamu tuSia, angke Ia do inganan parsiholipanta.

JESAYA 65:18

Marjop ni roha jana marmoga-moga ma hamu salolotna, hara ni sude na Hutompa i. TompaonKu ma Jerusalem na imbaru gok jop ni roha, jana na maringanan disi marjop ni roha.