MASMUR 86:15 - BIBEL JAMITA NA DENGGAN

¹⁵ Tapi anggo Ho, ale Tuhan, Debata parholong do Ho jana pardenggan basa. Holong ni rohaMu na manongtong i maradu marlobian parsobar do Ho jana tongtong haposan.

MASMUR 86:15 Referans Kwoze

MASMUR 130:7

Mararop roha tu Tuhan ma hamu, o hamu bangsoNa angke sai dihaholongi Ia do hita, jana hobas do Ia paluahon hita.

MASMUR 103:8

Parasiroha jana pardenggan basa do Tuhan, lambat tarrimas jana parasiroha godang.

EPESUS 1:7

Angke di bagasan Ia, dapotan haluaan do hita markite-hite mudarNia, i ma hasesaan ni dosa mangihutkon godang ni asi ni rohaNia,

MASMUR 86:5

Angke na burju do Ho ale Tuhan, jana sai mangampuni do Ho sanga ise na martangiang tu Ho sai dihaholongi Ho do.

JOEL 2:13

Sibakkon ma rohamu tapi ulang dohot pakeanmu.” Mulak ma hamu tu Tuhan Debatamu mangulahi; paribo roha do Ia jana sai mangkaholongi. Parsobar do Ia jana na ingot di janji, jop rohana mangampuni jana nada ra mamparkanciti.

MASMUR 145:8

O Tuhan, gok holong ni roha do Ho jana na basa, na sobar jana sai parholong roha.

NEHEMIA 9:17

Nada ra patu halahi, sude hadenggananMu dihalupahon do, jana sude pambaenanMu hahomangan i sian parningotanna abis do. Sian ginjang ni rohana, dipili halahi ma sahalak ketua. Sai giot tu Mesir do halahi, mangulahi gabe hatoban. Hape Debata na sai mangampuni do Ho, silapang andora, na basa jana na sun paribo. Na sun do antong hasurungan ni holongMi: Nada Ho manadingkon halahi.

MIKA 7:18

Nada adong Debata na songon Ho, ale Tuhan, na mangampuni dosa ni bangsoMu na teba i. Nada sapanjangna Ho muruk; balik tehe, sonang do rohaMu patuduhon holong ni rohaMu na so marparsuhatan i.

MASMUR 85:10

Marsuo ma da holong dohot habonaran dame dohot hatigoran marsihaolan.

MASMUR 111:4

Gabe parningotan do dibaen Ia angka tanda hahomangan na nibaenNia; paribo jana parholong roha do Tuhan i.

MASMUR 98:3

Ditiop Ia do janjiNia tu Israel, bangsoNa i, dibaen sai holong do rohaNia jana setia tu halahi. Sude bangso di portibi madung marnida haluaan na sian Debatanta.

BILANGAN 14:18

‘Au do Tuhan, nada momo Au muruk. PatidahononKu do holong ni rohangKu dohot habonaranKu martamba-tamba. SesaonKu do dosa ni halak na mangalo Au. Haru pe songon i balosonKu do hasalaan ni simatobangna tu anak dohot pahompuna, lopus tu sundut patoluhon dohot paopatkon.’

MASMUR 130:4

Hape diampuni Ho do hami, diarop rohangku do janjiNa.

JOHANNES 1:17

Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

HARURUAR 34:6

Dung i mardalan ma Tuhan mamolus sian jolo ni si Musa jana pio-pio, “Au, Tuhan, Au do Debata parholong jana paribo roha. Na gok holong do Au, setia jana na lambok.

1 JUJUR TAON 21:13

Dialusi si Daud ma, “Marsak sajo do au! Tapi nada giot au anggo uhuman na sian jolma. Padiar ma da hona uhum ni Tuhan hita, angke godang do ibo ni rohaNia.”

JUNUS 4:2

Jadi martangiang ma ia, “Nada he hudok hian do ale Tuhan taran so kehe sian bagasku na salpu i, na giot songon i hian do baenonMu? Hara ni i ma umbaen na huompoti kehe tu Tarsis! Huboto humani do Debata pangusayang dohot parholong Ho, na lambok jana mura sajo do manigor di Ho pauba sangkapMu manguhumi.