MASMUR 86:14 - BIBEL JAMITA NA DENGGAN

¹⁴ Ale Debata, jongjong do halak siginjang roha mangalo au, sapunguan halak na kejam giot mamunu au; nada parduli halahi tu Ho.

MASMUR 86:14 Referans Kwoze

MASMUR 54:3

Angke jongjong do siginjang roha mangaroro au, halak na gakgak sai giot mamunu au, nada parduli halahi di Debata.

MASMUR 36:1

Halak na jahat mangihutkon pangelek ni dosa; umpe mabiar ia saotik mida Debata.

MASMUR 14:4

Didok Tuhan, “Na so diboto angka na jahat i do na disamun halahi bangsongKu jana nada jungada halahi martangiang tu Au?”

JEHESKIEL 9:9

Dialusi Debata ma, “Dosa na lobi godang do na dung dipambaeni ni angka halak Israel dohot Juda. Dipadalan halahi do pamunuon di sude inganan, jana dipahodar halahi do Jerusalem marhite hajahatan. Didok halahi bahaso na dung Hutadingkon luat on jana nada Huida be parbuatan ni halahi i.

JEHESKIEL 8:12

Didok Debata ma tu au, “Ale jolma parsantongkinan, aha do diida ho na nipambaenan ni angka pamimpin ni Israel di sihabunian i? Marsomba do halahi di bagasan bilik na gok dohot gana-ganaan i marhite alasan na mandok na dung Hutadingkon luat on jana nada Huida be parbuatan ni halahi i.”

MASMUR 140:5

Manaon jorat do halak siginjang roha tu au jana pagistang jaring laho maninggangkon au. Sapanjang dalan, ditaon halahi tirangkap laho padapotkon au.

MASMUR 119:85

Halak na gakgak na so patu tu TonaMu, madung manghuar lubang laho manjorat au.

MASMUR 119:69

Ditilakoi halak siginjang roha au, tapi sian sandok rohangku, huoloi haputusanMu.

MASMUR 119:51

Sun do bilena au dibaen siginjang roha, tapi nada manyimbil au sian TonaMu.

MASMUR 36:11

Ulang padiar au disoro halak na gakgak, sanga dipaorot halak na jahat.

MASMUR 10:13

Biasi torus dilayasi halak na jahat i Debata, jana marpikir, nada ra Debata manguhumna?

MASMUR 10:11

Ning rohania, “Debata madung lupa, nada diparrohahon ia; jana nada idaonNia ro di salolotna.”

MASMUR 10:4

Nada parduli tu Tuhan anggo halak pardosa; hara ni jungkatna, dipikiri ia nada adong Debata.

2 SAMUEL 17:14

Umbege i didok si Absalom dohot halak Israel i ma sude, “Dumenggan do na nidok ni si Husai on sian sipaingot ni si Ahitofel i.” Tutu ma antong na dung diputuskon Tuhan laho manyundati sipaingot ni si Ahitofel na denggan i, anso marmara si Absalom.

2 SAMUEL 16:20

Dung i didok si Absalom ma tu si Ahitofel, “Paboa ma sanga aha sipatupaonta.”

MASMUR 54:5

Padiar ma musungku didondoni hajahatanna sandiri, pusa ma halahi, angke setia do Ho tu au.