MASMUR 86:13 - BIBEL JAMITA NA DENGGAN

¹³ Hara ni godangna holong ni rohaMu na manongtong i di au, madung dipalua Ho au sian liang ni kuburan.

MASMUR 86:13 Referans Kwoze

LUKAS 1:58

Dibege angka hombar bagasnia i ma songon i dohot koum sisolkotnia, songon i ma hape dengganna roha ni Tuhan maradopkon si Elisabet, gabe dohot ma halahi sude marjop ni roha.

MASMUR 56:13

Dibaen dipalua Ho au sian hamatean, jana dijagohon Ho au gabe nada ditaluhon. Gabe tola ma au mangolu di bagasan pangondingan ni Debata, di bagasan sinondang na manorangi sandok na mangolu.

MASMUR 116:8

Madung disalpuhon Tuhan sian au hamatean, diapoi Ia do au jana nada dipadiar Ia au marhataluan.

MASMUR 57:10

Holong ni rohaMu na manongtong i sagincat ni langit, jana denggan ni rohaMu sagincat ni angka ombun.

JOB 33:28

Disundati Debata do au kehe tu hamatean i, gabe mangolu do au lopus tu saonnari.’

1 TESSALONIKA 1:10

Laing di hatahon halahi do sanga na bia ngolngolna pangkilalaanmunu painte-intehon haroro ni Anak Ni Debata sian banua ginjang; i ma Jesus na dung dipangolu Debata sian hamatean i. Laing Jesus i do na paluahon hita sian rimas ni Debata na giot ro i.

MASMUR 30:3

Disalpuhon Ho do tanoman sian au, jana dipasuang Ho ngolungku.

MASMUR 16:10

angke nada dipadiar Ho au mate, halak na nihaholonganMu nada dilehen Ho tu hamatean.

MASMUR 88:6

Didanggurkon Ho au tu lubang na bagas, tu liang ni kuburan na bagas boti manggolap.

JOB 33:24

Dokkonon ni surusuruan i ma sian ibo ni rohana, ‘Palua ma da ia, nada tola ia manuat dope tu tanoman. On ma hepeng panobusna, anso tola ia maruli haluaan.’

JESAYA 38:17

Muba ma haparironku gabe hasonangan ni roha, dipalua Ho do au sian mara; madung diampuni Ho angka dosangku sudena.

JOB 33:18

Nada dipadiar Ia halahi manondong hasegoan; diondihon Ia do halahi sian hamatean.

JOB 33:22

Saotik nari noma anso mulak ia tu inganan paradianan, jana donok-donok noma tusia inganan pananoman.

MASMUR 108:4

Angke lopus tu langit do holong ni rohaMu na godang i, jana habonaranMu lalu tu awang-awang.

MASMUR 30:4

Endehon ma puji-pujian di Tuhan, o hamu bangsoNia na nihaholonganNia! jana haulkon ma hatarimakasion tu goarNa Na Badia!