MASMUR 86:10 - BIBEL JAMITA NA DENGGAN

¹⁰ Dibaen na sangap do Ho, hahomangan do karejoMu, hum Ho do Debata.

MASMUR 86:10 Referans Kwoze

MARKUS 12:29

Dialusi Jesus ma, “Anggo tona na ummarga, i ma: ‘Tangihon hamu ma, hamu halak Israel! Tuhan Debatanta, i ma Tuhan na sada.

JESAYA 37:16

“O Tuhan Na Markuaso, Debata ni Israel, na maringanan di ginjang ni angka mahluk na marhabong, hum sasada Ho do Debata na mamarenta di sude harajaan na adong di sisik ni tano on. Ho do na manompa langit dohot tano.

MASMUR 72:18

Puji ma Tuhan ni Israel! Hum Ia do na patupahon pangalaho na godang.

1 KORINTUS 8:4

Anggo taringot tu na mangankon sipanganon na dung nihaulkon tu gana-ganaan, taboto do, nada adong satutuna anggo na nigambarkon ni gana-ganaan i. Jana tangkas do taboto, anggo Debata hum sada sajo do; nada adong be na asing.

PANGARATAION 32:39

Tapi songon i pe Au, Au sandiri do na tutu Debata; asing sian Au nada adong be Debata. Au do na mamunu, dohot na pangoluhon mambugangi dohot na pamalumkon. Muda jabat do Hubaen pangalaho sanga na aha sahalak pe nada tarbaen mangalosa.

HARURUAR 15:11

Tuhan, ise ma sian angka debata sileban na tudos dohot Ho? Di sangap dohot di habadiaan, ise manyalpui Ho? Ise tarbaen patupa angka hahomangan dohot angka karejo na godang songon na binaenMu?

JESAYA 37:20

Ale Tuhan Debata, palua ma hami sian angka halak Asur i, anso diboto sandok bangso na di tano on bahaso sasada Ho do Tuhan.”

EPESUS 4:6

jana sada sajo do Debata na gabe Ama di sude jolma. Ia do Tuhan ni sude na nitompa i, na markarejo markite-hite sasudena jana na markuaso di bagasan sasudena.

BAENON NI ANGKA RASUL 4:30

Pahortang ma tanganMu mambaen hamalumon, jana baen ma angka tanda hahomangan markite-hite goar ni Jesus, NaposoMu Na Badia i.”

MASMUR 86:8

Ale Tuhan, nada adong debata na songon Ho, nada adong pambaenanna na tudos tu Ho.

JOB 11:7

Bia ma he pandodomu di bako ni Debata? Tardodo ho ma he gogo ni kuasoNa?

IBRANI 2:4

Tamba ni i, dohot do Debata pagomoskon hasaksian ni angka halahi di na nibaenNia ragam-ragam ni hahomangan bope angka pangalaho na luar biasa bope dohot na mambagi-bagihon angka hamaloan hapunjungan na sian Tondi Parbadia marguru tu hagiot ni Debata sandiri.

JESAYA 45:5

Au do Tuhan, nada adong na asing, sasada Au do Debata. Madung Huparsinjatai ho, haru pe goarKu laing so diboto ho.