MASMUR 86:1 - BIBEL JAMITA NA DENGGAN

¹ Tangihon ma tangiangku ale Tuhan, alusi ma au, dibaen pogos jana gale do au.

MASMUR 86:1 Referans Kwoze

MASMUR 31:2

Tangihon ma tangiangku. Palua ma au manigor. Ho noma da dolok batu inganan parlinggomanku, dohot benteng na togu, inganan haluaan di au.

MASMUR 40:17

Na gale do au on jana na pogos, ale Tuhan, hape diparrohahon Ho do au. Ho do na mangurupi dohot na paluahon au, tibu ma Ho ro, ale Debatangku!

DANIEL 9:18

Tangihon ma hami ale Debata, tatap ma hami jana parrohahon ma hasusaannami, songon i dohot parhancitan ni kota na nigoaran mangihutkon goarMu. Nada hara ni pambaenannami na denggan umbaen na martangiang hami tu Ho, tapi hara ni na paribo roha do Ho.

MATEUS 5:3

“Martua ma angka na dangol di tondina, dibaen di halahi do Harajaan Ni Banua Ginjang!

MASMUR 34:6

Pio-pio halak na sapot bagian, dialusi Tuhan do i, jana dipaluaSa sian sasude pardangolanna.

JAKOBUS 2:5

Hamu angka dongan na nihaholongan, tangihon hamu ma! Angka halak na pogos ninna roha ni portibi on, i do na dipili Debata anso gabe halak na mora di haporsayaanna tu Tuhan. Halahi do na maruli di Harajaan Ni Debata na nijanjihonNa i tu angka halak na mangkaholongi Ia.

LUKAS 4:18

“Tondi Ni Tuhan do na adong di Au, angke madung dimiahi Ia do Au laho mamaritahon Jamita Na Denggan na sian Debata tu halak na pogos, jana disuru Ia do Au paboahon haluaan tu angka na tartangkup dohot parnidaan tu angka na mapitung; laho paluahon halak na marhancit,

JESAYA 66:2

Nada he tanganKu do mambaen sasudena umbahen masa na songon on? Songon i do pandok ni Tuhan. Tapi tu halak si songon on ma nolnol Au marnida, jolma na tartindas dohot na maheu, na mabiar tu hatangKu.

JESAYA 37:17

Ale Tuhan, sugari nian diparrohahon Ho ma sanga aha na tarjadi on tu hami. Tangihon ma sude pangalayasi ni si Sanherib maradopkon Ho, ale Debata na mangolu.

MASMUR 142:1

Pio-pio do au tu Tuhan, tuSia do au mangido partolongan.

MASMUR 140:12

O Tuhan, huboto do tangkas Ho pambela ni halak na pogos dohot na dangol, diurupi Ho do parkaro ni halak na hona sosak.

MASMUR 119:22

Padao ma pangincaki ni halahi sian au, dibaen madung hudalankon aturanMu.

MASMUR 102:17

TangihononNia ma tangiang ni bangsoNa na marhasusaan i, jana nada tulakonNia pangidoan ni halahi.

MASMUR 17:6

Tu Ho do pio-pio au, angke dialusi Ho do au. O Debata, parate-atehon ma au, jana tangihon angka hatangku.

MASMUR 102:1

Ale Tuhan, tangihon ma tangiangku, parrohahon ma pangidoanku.

MASMUR 10:14

Tapi ale Debata diida Ho do parkancitannami, jana tontu do tolonganMu hami. Halak na so margogo pasahatkon tu Ho dirina sudena, Ho do na mangurupi na so marama so marina.

MASMUR 25:16

Tatap ma au, jana ibo ma rohamu mida au, Tuhan, angke gale do au jana punjung so mardongan.