MASMUR 84:9 - BIBEL JAMITA NA DENGGAN

⁹ Ligi ma parincenami, ale Debata, ligi ma bohi ni na nitodoMu sandiri.

MASMUR 84:9 Referans Kwoze

MASMUR 2:2

Angka parkuaso pe rap burangkit mangalo Tuhan dohot raja na nipiliNia.

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

MASMUR 132:17

Sahalak sian pomparan ni si Daud baenonKu gabe raja, patoguonKu ma pangarajaionnia.

MASMUR 98:1

Endehon hamu ma ende na imbaru di Tuhan, angke hahomangan situtu do pambaenanNia. Marhite kuaso dohot hagogoonNia sandiri dapot Ia do hamonangan.

MASMUR 89:20

Madung Hupadumpangkon si Daud, naposongKu, Hupabangkit ia marhite miakKu.

MASMUR 84:11

Angke pangondian na gogo do Tuhan Debata, na mangalehen sangap dohot basa-basa di hita. Sai marpupu do dilehen Ia hadenggananNia tu halak na patuluskon hagiotNia.

BAENON NI ANGKA RASUL 4:27

Tutu do songon i. Angke marlagut do si Herodes dohot si Pontius Pilatus rap dohot halak na so mananda Tuhan bope halak Israel di kota on. Marlagut do halahi laho mangalo Jesus NaposoMu Na Badia i, na NimiahanMi,

MASMUR 59:11

Ulang bunu halahi, anso ulang lupa bangsongki. Marhite kuasoMu, ayak ma halahi cuka-ciri, taluhon ma halahi, ale Tuhan pangondiannami.

MASMUR 3:3

Hape Ho do ale Tuhan, parince na mangondingi au; dilehen Ho do hamonangan di au jana dipagodang Ho rohangku.

MASMUR 2:6

Ning Ia ma, “Di Sion, dolokKu na badia i madung Hupabangkit raja na Hupili i.”

2 JUJUR TAON 6:42

Ale Tuhan Debata, ulang ma tulak tangiang ni raja na nipiliMon. Ingot ma holong ni rohaMu tu si Daud naposoMi.”

2 SAMUEL 23:1

Dipili jana dibaen Debata ni Israel do si Daud anak ni si Isai gabe raja dohot halak na godang. Laing dikarang ia do ende di halak Israel. On ma hata na parpudi didok si Daud.

1 SAMUEL 16:6

Dung marlagut halahi jana diida si Samuel ma si Eliab anak ni si Isai i, marpikir ma ia, “On ma pasti na nipili ni Tuhan.”

1 SAMUEL 2:10

Maronco angka musu ni Tuhan, mabiar be; mangaronggur Ia sian langit an. Na giot manguhumi ma Tuhan tu sandok tano on. Jana lehenonNia ma kuaso na marmulia tu raja na nitodoNia.”

PANGARATAION 33:29

O Israel, na godang ma antong tuamu, nada adong bangso na dipalua songon bangsomu. Tuhan i sandiri do parince dohot podangmu, mambela dohot mangalehen hamonanganmu. Marroan ma musumu mangido ibo ni roha, dege-degeonmu ma halahi sudena di dolok-dolok ni halahi.”

MASMUR 17:1

Tangihon au martangiang sian sandok rohangku, ale Tuhan, parate-atehon pio-piongku mangido hatigoran.