MASMUR 84:7 - BIBEL JAMITA NA DENGGAN

⁷ Gogo ni halahi mur martamba, dompak na mardalan tu Sion laho mangadop tu Debata.

MASMUR 84:7 Referans Kwoze

PODA 4:18

Songon parbincar ni mataniari do anggo dalan na nibolus ni halak na denggan; mur lolot mur torang, jana ujungna ari pe gabe torang sajo.

JESAYA 40:31

Hape anggo di na mangido pangurupion sian Tuhan, dipasuang do hagogoan. Lopus tu ginjang manaek do halahi, songon na marhabongkon habong ni rajawali. Marlojongi do halahi so marnaloja, jana mardalan halahi nada ra gale.

2 KORINTUS 3:18

Saonnari nada nigupgupan be bohinta. Songon sormin na nisondangan dohot hatiuran ni Tuhan Jesus do hita. Jadi hara ni i, torus do hita dipauba anso gabe songon Ia, mur honok, mur marsinondang do hita hara ni hatiuran na sian Tondi Ni Tuhanta i.

JOB 17:9

Angka halak na denggan dohot na so marsala, mur marpos ni roha di pardangolan ni ngoluna na tumbuk tu Debata.

2 PETRUS 3:18

Sai mur pangkilalahon hamu ma hadengganan ni roha ni Tuhan, Sipaluanta i, i ma Jesus Kristus, jana sai mur tangkas ma nian ditanda hamu Ia. Tarpuji ma Ia saonnari bope ro di salolot-lolotna. Amen.

MASMUR 43:3

Patangkas ma hadengganan ni rohaMu anso disondangi au jana togu ma au, mulak tu Sion, dolokMu na badia i dohot tu Bagas ParmiananMi.

PANGARATAION 16:16

Angkon ro do sude halaklahi ni Israel manyomba Tuhan di inganan paribadatan na sada i tolu noli sataon: Di Ari Pesta Paskah, Pesta Gotilon dohot di Pesta Undung-undung Bulung Rata. Angkon ganop be marsioban haulna,

JOHANNES 14:3

Dung kehe Au pasingkop inganan i di hamu, mulak pe Au anso laing disi muse ma hamu.

JOHANNES 1:16

Angke sian hagogokNia, nada mar na mantak Ia, mamasumasu tu hita sudena.

MASMUR 42:2

Malungun au di Ho, ale Debata na mangolu, andigan do tola au marsomba di BagasMu?

JOHANNES 15:2

Diambungkon Ia do sude rantingKu na so marbatu; jana sude ranting na ramos dipaias Ia do anso mur ramos muse batuna.

JEREMIA 31:6

Tutu do dapot do i hatihana marsurak ma angka panjago ni kota ni partoran Efraim, ‘Beta hita manangkok tu Sion, mandapotkon Tuhan, Debatanta.’ ”

1 TESSALONIKA 4:17

Dung i anggo hita na mangolu dope di hatiha i, rap diangkat ma hita dohot halahi tu bagasan ombun lopus marsuo dohot Jesus di awang-awang i. Jadi rap noma hita tongtong dohot Tuhan i salolot-lolotna.

JOHANNES 6:39

Jana songon on ma hagiot ni na marsuru Au; anso ulang Huagohon sahalak pe sian sudena halak na nipasahatNia tu Au; tapi anso Hupangolu do halahi mangulahi dung di Ari Parpudi.

ZAKARIA 14:16

Dung i sandok jolma na laing mangolu dope sian tonga-tonga ni angka bangso na mamorangi Jerusalem i, markehean noma tu kota i laho marsomba tu Raja, Tuhan Na Markuaso i dohot laho manghagodangkon Pesta Undung-undung Bulung Rata.

JESAYA 46:13

Madung donok Hubaen hasintongan i, nada dao be i, nada tarambatan be haluaanKu, paluaonKu ma halak di Sion, jana pataridaon hamuliaonKu tu halak Israel.”

LUKAS 2:24

Dohot na giot pasahatkon haul songon na dung di Tona Ni Tuhan i ma sapasang balom dohot dua darapati na poso.

MASMUR 122:2

Saonnari madung masuk hami, mamolus sian horbangan ni kota Jerusalem.

JESAYA 58:11

Sai na toguon ni Tuhan do hamu jana angkon pasombuonNa rohamunu di tano na gariang. Sai parata-rataonNa do gogomunu anso tongtong horas torkis hamu. Gabe songon kobun ma hamu na tuk aekna, sanga mualna nada jungada mate.

JEHESKIEL 34:26

PasupasuonKu ma halahi jana paloasonKu maringanan humaliang dolokKu Na Badia i. LehenonKu ma di halahi udan muda dung porlu di halahi; i ma udan na parohon pasupasu tu halahi.