MASMUR 83:18 - BIBEL JAMITA NA DENGGAN

¹⁸ Anso diboto halahi hum Ho do Tuhan Na Gumincat, Tuhan, na mangarajai sandok portibi.

MASMUR 83:18 Referans Kwoze

HARURUAR 6:3

Ro do Au mandapotkon si Abraham, si Ishak dohot si Jakob, i ma Debata na gok kuaso, tapi nada Hupataridahon diringKu tu halahi marhite goar ‘Tuhan’ i ma goarKu na badia i.

MASMUR 59:13

Pangabis ma halahi ale Debata, di bagasan hamuruhonMu, pangabis ma halahi lopus punu. Gabe sude ma halak umboto bahaso Debata do mamarenta di pomparan ni si Jakob, jana mangararati do pangarajaionNa tu sude tano on.

JEHESKIEL 38:23

Songon i ma dalanna baenonKu laho patuduhon tu ganop bangso paboa na badia jana na godang do Au. Jadi botoon ni halahi ma bahaso Au do Tuhan.”

MASMUR 97:9

Dirajai Tuhan Na Gumincat i do sude tano on na tongam do Ia mangalobii angka debata.

JEREMIA 16:21

“Hara ni i boto ma, paboaonKu ma tu halahi, sanoli on angkon paboaonKu ma tu halahi kuasongKu dohot hagogoonKu, anso diboto halahi bahaso Tuhan do goarKu.”

2 RAJA-RAJA 19:19

Ale Tuhan Debatanami, palua ma hami sian halak Asur i anso diboto sandok bangso na satanoon i, Ho do Tuhan, sasada Ho do Debata!”

DANIEL 4:32

Paoroton ma ho sian parngoluon ni jolma, jana mangolu di padang-padang ma ho songon angka binatang. Pitu taon honokna mangan ruput noma ho songon lombu. Dung salpu i okuonmu ma na markuaso do Na Gumincat i maradopkon harajaan ni jolma jana dilehen Ia harajaan i sanga na tu ise sajo na nitodoNia.”

JEHESKIEL 30:19

Songon i ma baenonKu manguhumi Mesir, jadi gabe botoon ni halahi ma Au do Tuhan.”

JESAYA 42:8

Au do Tuhan, i ma da goarKu, nada lehenonKu hamuliaonKu tu na asing. HabonggalonKu nada i pasahatonKu tu angka patung na nipambaenan.

MIKA 4:13

Didok Tuhan do, “Ale halak Jerusalem, kehe ma hamu manguhumi angka musumunu! BaenonKu ma hamu margogo songon lombu na martanduk bosi jana marsisilon tumbaga. Ropuhonmunu ma bahat bangso jana sinadonganna i na dapot songon barang rampasan haulkononmunu ma i tu Au, Tuhan ni sandok tano on.”

1 RAJA-RAJA 18:37

Alusi ma au Tuhan! Alusi ma au anso diboto rayat on bahaso Ho do Tuhan, jana Ho do na paubahon halahi mangulahi tu Ho.”

JESAYA 54:5

Harana na gabe halaklahimu i ma Ia Na Manompa ho, Tuhan Na Markuaso do goarNia; na gabe Sipaluamu i ma Na Sun Badia, Debata ni Israel, nigoaran do Ia, Debata ni sandok portibi.

MASMUR 92:8

angke markuaso do Ho, ale Tuhan, salolot-lolotna.

MASMUR 9:2

Hara ni Ho, dapot au roha na sonang hupuji goarMu, Tuhan Na Markuaso.

MASMUR 9:16

Dipatidahon Tuhan do diriNa na tigor di bagasan putusanNia. Halak na jahat dabuhononNa hara ni parkarejoanNa.

PAMUNGKAAN 22:14

Dibaen si Abraham ma goar ni inganan i, “Tuhan do paradehon”. Jana lopus saonnari laing didokkon halak do, “Tuhan do paradehon di dolokNia”.

ZAKARIA 4:14

Jadi didok ia ma, “I ma dua halak na nipili, na jongjong di adopan ni Tuhan ni sandok tano on.”

DANIEL 4:25

Paoroton ma raja i sian tonga-tonga ni parngoluon ni jolma, jana mangolu di tonga-tonga ni angka binatang noma di padang. Pitu taon honokna sai mangan ruput raja i songon lombu jana modom di tano lapang na so martarup, gabe marombun-ombun. Dung salpu i, okuon ni raja i ma paboa na markuaso do Na Gumincat i di ginjang ni harajaan ni jolma, jana dilehen Ia harajaan i tu sanga ise sajo na nitodo ni rohaNia.

JESAYA 5:16

Tapi patuduhonon ni Tuhan Na Markuaso i ma hagodanganNia markite-hite na patuluskon sanga aha na tigor, jana Debata Na Sun Badia angkon patidahon habadiaanNa di bagasan hasintonganNa.

MASMUR 18:13

Dung i mangaronggur ma sora ni Tuhan sian ingananNa, Na Di Banua Ginjang i patubegehon soraNa.

MASMUR 35:4

Ho ma padiarkon talu dohot pailahon sanga ise halak na giot mamunu au. Padiar ma kehe boti so martontu halak na martahi mangalo au.